Staršynioj maładziožnaj arhanizacyi Ab`iadnanaj hramadzianskaj partyi «Maładyja demakraty» abrana26-hadovaja Alaksandra Vasilevič z Hrodna. Adpaviednaje rašeńnie było pryniata delehatami ź`iezda arhanizacyi, jaki prachodzić 14 krasavika ŭ Minsku.
Usiaho ŭ rabocie ź`iezda ŭdzielničali 34 z 43 delehataŭ ź`iezda. Za kandydaturu Vasilevič, jakaja vyłučałasia na biezalternatyŭnaj asnovie, prahałasavała 88% udzielnikaŭ ź`iezda.
Delehaty ź`iezda padviali vyniki dziejnaści arhanizacyi za apošnija dva hady, pryznaŭšy ich zdavalniajučymi. U druhoj pałovie ź`iezda delehaty abiaruć namieśnikaŭ staršyni. Akramia taho, płanujecca pryniaćcie rašeńnia ab aficyjnaj rehistracyi maładziožnaj arhanizacyi ŭ Miniuście.
Papiaredni ź`iezd «Maładych demakrataŭ» prajšoŭ 29 studzienia 2010 hoda, paśla čaho pradstaŭniki maładziožnaha kryła AHP padali dakumienty ŭ Miniust na rehistracyju respublikanskaha maładziožnaha hramadskaha ab`iadnańnia. Adnak Miniust admoviŭ u rehistracyi, matyvujučy admovu tym, što «asnoŭnyja pałažeńni statuta MHA „Maładyja demakraty“ nie adpaviadajuć patrabavańniam zakanadaŭstva, nazva MHA „Maładyja demakraty“ supiarečyć pałažeńniam jaho statuta».
Na ź`ieździe ŭ pačatku 2011 hoda staršynioj arhanizacyi byŭ abrany Aleh Korban. U 2012 hodzie Korban vyłučyŭ svaju kandydaturu na pasadu staršyni AHP, adnak padčas ź`iezda, jaki prachodziŭ 31 sakavika, źniaŭ jaje. 12 lipienia Korban zajaviŭ ab vychadzie z AHP, a ŭ vieraśni — ab stvareńni novaj maładziožnaj arhanizacyi «Alternatyva», jakaja była zarehistravanaja ŭ jakaści niedziaržaŭnaj hramadskaj arhanizacyi ŭ Łatvii.
Abaviazki staršyni «Maładych demakrataŭ» vykonvaŭ Dźmitryj Kavałhin.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»44
Kamientary