«Pavodle vynikaŭ praviedzienych ź inicyjatyvy šviedskaha boku dvuch raŭndaŭ kansultacyj pamiž źniešniepalityčnymi viedamstvami dźviuch krain biełaruskim bokam pryniata stanoŭčaje rašeńnie adnosna prośby šviedskaha boku ab akredytacyi ŭ Minsku časovaha pavieranaha ŭ spravach Šviecyi ŭ Respublicy Biełaruś»,— paviedamiła namieśnik načalnika ŭpraŭleńnia infarmacyi MZS Maryja Vańšyna, kamientujučy infarmacyju ab nakiravańni ŭ Biełaruś časovaha pavieranaha ŭ spravach Šviecyi.
«Biełaruski bok zychodzić z taho, što dziejnaść šviedskaha dypłamata ŭ Biełarusi budzie ažyćciaŭlacca ŭ poŭnaj adpaviednaści z pałažeńniami Vienskaj kanviencyi ab dypłamatyčnych adnosinach 1961 hoda, i skiravana na realizacyju značnaha patencyjału dvuchbakovaha
Jak raniej paviedamlałasia, kiraŭnik šviedskaha MZS Karł Bilt u tvitary paviedamiŭ, što chutka ŭ Minsk prybudzie časovy pavierany ŭ spravach Šviecyi. «Paśla peŭnych składanaściaŭ my chutka nakirujem časovaha pavieranaha ŭ spravach kiravać našym pasolstvam u Minsku, Biełarusi. Karyść dla kožnaha», — napisaŭ Bilt na svajoj staroncy.
***
Pasolstva Šviecyi ŭ Minsku było zakryta 30 žniŭnia 2012 hoda. Hetamu papiaredničała rašeńnie ŭład Biełarusi ab niepraciahu akredytacyi pasłu Stefanu Eryksanu. Dypłamata abvinavacili ŭ destruktyŭnaj dziejnaści. U adkaz na heta šviedskija ŭłady zajavili, što nie prymuć novaha pasła Biełarusi, i rekamiendavali dvum supracoŭnikam biełaruskaha pasolstva pakinuć Stakholm. U vyniku ciapier funkcyi pasolstva Šviecyi ŭ Minsku vykonvaje dyppradstaŭnictva Estonii, a biełaruskaha ŭ Stakholmie — pasolstva Łatvii.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary