U Niamieččynie strajkujuć čyhunačniki
U Berlinie i Hamburhu pačaŭsia ŭ čaćvier a 8‑j hadzinie strajk mašynistaŭ z prafsajuzu GDL.
U Berlinie i Hamburhu pačaŭsia ŭ čaćvier a 8‑j hadzinie strajk mašynistaŭ z prafsajuzu GDL. U abodvuch haradach siabry prafsajuzu zatrymali na dźvie hadziny ruch ciahnikoŭ chutkaj haradzkoj čyhunki (S‑Bahn).
Pavodle pieršapačatkovych planaŭ GDL, strajk musiŭ zakranuć tavarnyja ciahniki, adnak pracoŭny sud zabaraniŭ da 30 vieraśnia akcyi, što mohuć sparalizavać tavarny i pasažyrski ruch. Sudździ ŭ Niurnbierhu paličyli, što hetkaja akcyja ŭ čas vakacyjaŭ mahła b nanieści vialikija straty niamieckaj ekanomicy.
Prafsajuz GDL adroksia ad prysudu. Sud pierahledzić spravu ŭ bližejšuju piatnicu .
«My chacieli paškadavać pasažyraŭ i spynić ruch tavarnych ciahnikoŭ, adnak sud razładziŭ našyja plany» — skazaŭ kiraŭnik GDL u Hamburhu Norbert Kvirtteler.
GDL patrabuje pavyšeńnia zarobkaŭ na 31 adsotak, palapšeńnia ŭmovaŭ pracy dla tych, chto pracuje pa źmiennaj systemie, a taksama asobnaj kalektyŭnaj damovy dla 12 tys. mašynistaŭ, jakija naležać da prafsajuzu. Kiraŭnictva Niamieckaj dziaržaŭnaj čyhunki (Deutsche Bahn — DB) adkinuła hetyja patrabavańni.
Padčas praviedzienaha na minułym tydni hałasavańni na karyść strajku vykazałasia 95,8 adsotkaŭ siabraŭ prafsajuzu.
Sotni tysiačaŭ niemcaŭ nie byli padrychtavanyja siońnia zranku da strajku mašynistaŭ. Niekatoryja reahavali z złościu i abureńniem, adnak mnohija pastavilisia z razumieńniem da zabastoŭki: «Dabicca vykanańnia svaich patrabavańniaŭ možna tolki pry dapamozie strajku.» Pasažyry sutyknulisia z surjoznymi ciažkaściami j byli vymušanyja karystacca alternatyŭnym transpartam — aŭtobusami, pryharadnymi ciahnikami, a ŭ Berlinie taksama i metro.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach15
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia55
Kamientary