Za karotki pieryjad funkcyjanavańnia Mytnaha sajuza ŭ im paŭstała ŭžo niamała prablem.
Navat pieršy vopyt jaho pracy pakazvaje, što dla Biełarusi i Kazachstana ŭ paraŭnańni z Rasijaj situacyja składvajecca niespryjalna.
Pra heta ŭ svaim artykule piša dyrektar Instytuta stratehičnych acenak pry prezidenckim fondzie Leanida Kučmy «Ukraina», akademik NAAN, doktar ekanamičnych navuk, prafiesar Pavieł Hajducki sa spasyłkaj na vyniki daśledavańnia, praviedzienaha instytutam.
Jak adznačaje aŭtar, za 2012 hod u paraŭnańni z 2011-m ekspart u ramkach MS vyras amal na 9,9%, ale z Rasii ŭ Biełaruś i Kazachstan - na 13,9%, a z Kazachstana ŭ Rasiju i Biełaruś ekspart, naadvarot, skaraciŭsia na 9,8%. Va Ukrainie taksama naziraŭsia spad ekspartu ŭ krainy MS na 4,6%.
Impart u ramkach Mytnaha sajuza za 2012 hod skaraciŭsia na 5%, ale ŭ asnoŭnym za košt značnaha skaračeńnia impartu ŭ Rasiju ź Biełarusi i Kazachstana - na 36%. U toj ža čas u Biełaruś i Kazachstan impart z Rasii praciahvaŭ paskorana raści: adpaviedna na 18,2 i 6,9%. U Ukrainu impart z MS skaraciŭsia na 3,2%. «Kali b Ukraina ŭ 2012 hodzie znachodziłasia ŭ MS, vidavočna, mieła b takuju ž niehatyŭnuju dynamiku», - adznačaje aŭtar.
Funkcyjanavańnie Mytnaha sajuza za karotki pieryjad užo pryviało da rezkaha rostu cienizacyi źniešniaha handlu.Tak, pa statystycy Kazachstana, abarot źniešniaha handlu pamiž Biełaruśsiu i Kazachstanam skłaŭ 483 młn, a pa statystycy Biełarusi – 647 młn dał, h.zn. roźnica 164 młn dał, abo 34%.
«Mytny sajuz taksama značna adstaje ŭ pakazčykach intehravanaści pa handli pasłuhami, uzajemnych pramych inviestycyjach i pramysłovaj kaapieracyi. Chto moža nazvać choć by adzin, realizavany ŭ ramkach MS na ŭzroŭni pamiž krainami, inavacyjny prajekt, asabliva ŭ śfiery mašynabudavańnia, jakuju čaściej za ŭsio pryvodziać jak arhumient na karyść MS?» - adznačyŭ Hajducki.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary