Urad ustanaviŭ pavyšanyja kaeficyjenty suadnosinaŭ siarednich zarpłat kiraŭnikoŭ i rabotnikaŭ šerahu arhanizacyj na 2007 hod.
Urad Biełarusi ŭstanaviŭ pavyšanyja kaeficyjenty suadnosinaŭ siarednich zarpłat kiraŭnikoŭ i rabotnikaŭ šerahu arhanizacyj. Hetaje rašeńnie ŭtrymlivacca ŭ pastanovie Savieta ministraŭ № 976 ad 31 lipienia, apublikavanaj na Nacyjanalnym pravavym interniet‑partale. Dakumient nabyvaje moc 1 vieraśnia.
Jak zaznačajecca ŭ pastanovie, pavyšajučyja kaeficyjenty «pryznačany dla kiraŭnikoŭ pradpryjemstvaŭ, jakija stabilna pracujuć, majuć vysokuju efiektyŭnaść i pryjarytetnaje značeńnie ŭ raźvićci adpaviednych halinaŭ».
Zhodna z dakumientam, kiraŭnik ZAT «Atłant», jakomu pryznačany kaeficyjent 6,0, budzie atrymlivać zarpłatu ŭ šeść razoŭ bolšuju, čym siaredniaja zarpłata rabotnikaŭ hetaha pradpryjemstva. Pavyšanyja kaeficyjenty vyznačany taksama kiraŭnikam: AAT «Mahiloŭski mietałurhičny zavod» (5,5); VRUP «Minski aŭtamabilny zavod» (6,0); VRUP «Minski matorny zavod» (6,0); RUP «Biełaruski mietałurhičny zavod» (6,0); RUP «Homielski zavod sielskahaspadarčaha mašynabudavańnia «Homsielmaš» (6,0); RUP «Minski traktarny zavod» (6,0); RUP «Mahiloŭski zavod liftavaha mašynabudavańnia» (6,0); RUVP «Biełaruski aŭtamabilny zavod» (6,0). Hetyja pradpryjemstvy ŭvachodziać u skład Ministerstva pramysłovaści.
Kaeficyjent 6,0 ustanoŭleny dla zarabotnaj płaty dyrektaram pradpryjemstvaŭ Ministerstva architektury i budaŭnictva: AAT «Biarozabudmateryjały», AAT «Krasnasielskbudmateryjały», AAT «Salihorskprambud» i VRUP «Biełaruski cemientny zavod».
U 5,5 razu bolš, čym u siarednim pa pradpryjemstvach, buduć atrymlivać kiraŭniki arhanizacyj, jakija ŭvachodziać u kancern «Biellehpram»: AAT «Biełfa», AAT «Viciebskija dyvany», AAT «Svitanak» i STAA «Biełviest».
Kantrol za vykanańniem hetaj pastanovy ŭskładzieny na namieśnikaŭ premjer‑ministra, a taksama ministraŭ pramysłovaści, architektury i budaŭnictva, staršyniu kancerna «Biellehpram».
Nahadajem, takoje rašeńnie prymałasia i ŭ 2006 hodzie, ale śpis pradpryjemstvaŭ u paraŭnańni ź minułym hodam pašyrany.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»59
Kamientary