Źbity ŭ pozie łotasa minčuk daŭno znajomy staličnym kiroŭcam
Pahladzieć pavialičanuju kartu
Unačy z 2 na 3 sakavika ŭ Minsku nasuprać doma №2 pa vulicy Brykieta źbili mužčynu, jaki siadzieŭ na prajeznaj častcy ŭ pozie łotasa i chistaŭsia.Kiroŭca «Aŭdzi» nie zaŭvažyŭ čałavieka i najechaŭ na jaho: kaža, praz słabuju aśvietlenaść.
Vyśvietliłasia, što zahinułamu minčuku było 30 hadoŭ. Kamientatary internetu paznali ŭ im čałavieka, ź jakim raniej sutykalisia na darohach.
«Ja, vidać, bačyŭ hetaha nienarmalnaha. Časam jon siadzieŭ u pierachodzie na Jakuba Kołasa z šapkaj u pozie łotasa i chistaŭsia jak bałvančyk... Moža nadakučyła žyć. Pieršy haradski varjat», — napisaŭ na forumie NIKITOS_M.
Inšy kiroŭca adznačyŭ, što jašče ŭ kastryčniku bačyŭ čałavieka, jaki na ŭjeździe ŭ Minsk pa hrodzienskaj trasie siadzieŭ na raździalalnaj pałasie i miedytavaŭ.
Timon-off napisaŭ, što u subotu za hadzinu-paŭtary da trahiedyi ŭ tym ža miesca jamu pad mašynu kinuŭsia niejki pjany. «Vyklikaŭ narad, ale čakać nie staŭ: dvoje dziaciej u mašynie ŭžo stamilisia za dzień. Mo jon ža?»
«Ja letam jechaŭ z boku «Karony» pa Prytyckaha. Da skryžavańnia ź Bieruta zastavałasia mietraŭ 200. I, zdajecca, jon ža siadzieŭ na darozie i chistaŭsia. Heta było ŭ 12 načy, i siadzieŭ jon na nieaśvietlenym učastku darohi. Dobra, što zaŭvažyŭ i paśpieŭ źjechać na inšuju pałasu. Nu voś u vyniku jaho i źbili», — Roman1983.
Fima10 pomnić padobnaha čałavieka jašče z 2011 hoda. «Nie viedaju, ale mo heta adzin i toj ža čałaviek. Hoda 1,5 tamu ja taksama jechała dadomu pa toj ža darozie, i čałaviek prykładna ŭ taki ž čas (kala 2 hadzin z suboty na niadzielu) stajaŭ na prajeznaj častcy, prosta stajaŭ niedaloka ad źjezda na vulicy Brykieta.Tady daroha była drenna aśvietlenaja. Ja jaho zaŭvažyła ŭ apošni momant, ale zdoleła abjechać... Zajechaŭšy ŭ horad na prypynku ŭbačyła ekipaž ci to achovy, ci to DAI. Patłumačyła im pra hetaha dzivaka. Jany raźviarnulisia, uklučyli mirhałki i pajechali praviarać. Moža tady jany vyratavali jaho... dy nie tolki jaho, a i vypadkovaha kiroŭcu».
Voś takaja situacyja. Zastajecca pytańniem, ci možna było štości zrabić, kab uratavać žyćcio hetaha čałavieka. Chto musiŭ hetym zajmacca? Pazbavić hetaha čałavieka voli, mahčyma, nie było dastatkovych padstavaŭ, miž tym tolki heta mahło adviarnuć biadu.
Kamientary