Rekłama słužby ŭ vojsku: jakasna i nie za biudžetnyja hrošy.
Ministerstva abarony zahruziła ŭ sieciva novaje rekłamnaje videa, jakoje maje zaachvocić maładych ludziej słužyć u vojsku.
U rekłamnym roliku małady čałaviek vidavočna «tušujecca» pierad vajenkamam i na pytańnie «Nu što, synku, u armiju chočaš?» niaŭpeŭniena adkazvaje: «Nie viedaju».
Tady vajenkam, badziora kinuŭšy «Chadziem sa mnoju. Nam paduładny ŭsio stychii», adčyniaje dźviery i pakazvaje ŭsiu mahutnaść biełaruskaha vojska.
«Zdymali piać dzion u vieraśni, za hety čas my prajechali 2500 km pa Biełarusi», —kaža Alaksiej Krajeŭ, dyrektar kampanii RGB Production, jakaja zajmałasia vyrabam rekłamy. Darečy, heta ŭžo nie pieršaje videa dla Minabarony aŭtarstva RGB Production.
«Kancepcyju siužeta prydumaŭ ja, scenar pisali razam z vajennym infarmacyjnym ahienstvam «Vajar», techničnuju dapamohu padčas zdymak akazała kampanija Wargaming», — adznačyŭ surazmoŭca.
Biudžet dastatkova maštabnaha rolika — kamiercyjnaja tajna. Ale samaje cikavaje ŭ tym, što finansavańnie prajekta išło nie ź Ministerstva abarony RB.
«Nivodnaha biudžetnaha rubla patračana nie było, heta ja vam harantuju», — zapeŭniŭ Alaksiej Krajeŭ. Chto finansavaŭ rekłamu — surazmoŭca nie paviedamiŭ.
Rolik, u paraŭnańni z bolšaściu rekłamnych praduktaŭ dziaržaŭnych arhanizacyj i viedamstvaŭ, vyhladaje nadzvyčaj jakasna.
Vajenkama ž syhraŭ akcior Viktar Kušniaroŭ, jaki nie pa čutkach znajomy sa słužbaj va ŭzbrojenych siłach.
Apytanka
Ciapier čytajuć
Biełarusy dzielacca, jak rehistrujuć svaich katoŭ. Voś jak adbyvajecca pracedura2
Biełarusy dzielacca, jak rehistrujuć svaich katoŭ. Voś jak adbyvajecca pracedura
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary