Dva vypadki adbylisia ŭviečary ŭ subotu, 9 lutaha, na stancyjach mietro «Kastryčnickaja» i «Akademija navuk».
Na «Akademii navuk» na rejkach apynuŭsia školnik (uzrost 12 hadoŭ), jaki vypuściŭ tudy svoj sotavy. Jon zmoh vybracca nazad i byŭ zatrymany milicyjaj.
Na «Kastryčnickaj»
Pa abodvuch faktach pravodziacca razhlady. U dačynieńni da mužčyny składzieny pratakoł pa art.18.10 KoAP (parušeńnie praviłaŭ karystańnia mietrapalitenam). Materyjały pa padletku pieradadzienyja ŭ adno z RUUS stalicy.
***
Vy ŭpali na rejki — što rabić
Kali ciahnik nabližajecca, vam nieabchodna lehčy ŭ žołab pamiž rejkami, pažadana hałavoj da ciahnika i na žyvot, prycisnucca da ziamli i nachilić hałavu.
Kali ciahnika niama, pakličcie na dapamohu, paprasicie paviedamić pra zdareńnie supracoŭnikam stancyi. I idzicie pa chodu ruchu ciahnika ŭ pačatak płatformy. Tam jość pałasataja pieramyčka pamiž rejkami. Heta adnosna biaśpiečnaje miesca. Padavajcie sihnały mašynistu ciahnika lichtarykam, ekranam telefona abo flikieram.
Ni ŭ jakim razie nie sprabujcie vykaraskacca samastojna — nastupiŭšy na kantaktnuju rejku, što znachodzicca z boku płatformy, vy možacie zahinuć ad udaru elektryčnym tokam.
Vy ŭbačyli, što niechta ŭpaŭ na rejki — kličcie na dapamohu supracoŭnikaŭ stancyi, patłumačcie paciarpiełamu, što jamu rabić (lehčy ŭ žołab ci iści ŭ pačatak płatformy ŭ zaležnaści ad situacyi). Nie sprabujcie samastojna vyciahnuć čałavieka na płatformu z boku kantaktnaj rejki.
Kamientary