Chacia ŭzrovień biespracoŭja ŭ Litvie davoli vysoki, pramysłovyja pradpryjemstvy, asabliva ŭ rehijonach, užo siońnia vymušanyja abmiažoŭvać raźvićcio vytvorčaści -- usio bolš adčuvalnym stanovicca niedachop kvalifikavanych rabotnikaŭ.
Pradpryjemstvy pačynajuć spaborničać za rabotnikaŭ, pavialičvajučy zarobki.
Kiraŭnik mietałaapracoŭčaha pradpryjemstva ŭ Paniaviežysie Mantas Hudas skazaŭ, što sioleta pradpryjemstva moža pradavać amal udvaja bolš pradukcyi, čym płanavałasia, ale raźvićcio tarmozić i niedachop rabotnikaŭ.
Analityk Departamienta ekanomiki i finansaŭ Litoŭskaj kanfiederacyi pramysłoŭcaŭ Alaksandr Izharodzin pakazvaje, što ŭ 2012 h. kolkaść svabodnych pracoŭnych miescaŭ u pramysłovaści ŭzrasła na 11%, zaniataść pavialičyłasia tolki na 4,5% - pradpryjemstvy chacieli najmać novych rabotnikaŭ, ale nie znajšli patrebnych.
Daradca prezidenta banka SEB Hitanas Naŭsieda śćviardžaje, što situacyja asabliva abvostrycca praz 1-2 hady, tak jak z rostam ekanomiki patrebnaść u kvalifikavanych rabotnikach budzie raści, a emihracyja naŭrad ci źnizicca.
Na dumku Izharodzina, nieabchodna refarmavać sistemu adukacyi pavodle patrabavańniaŭ rynku pracy i skaračać padatkaabkładańnie pracoŭnaj siły - tak pradpryjemstvy mahli b kankuryravać ź Jeŭropaj za rabotnikaŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary