Rasija i Biełaruś pačnuć sumiesny kantrol padkarancinnaj pradukcyi trecich krain

Rasija raźlivaje 18 lutaha pačać sumiesny ź Biełaruśsiu kantrol padkarancinnaj pradukcyi trecich krain, paviedamiła pres-słužba Raśsielhasnahladu.

U relizie ad 25 studzienia adznačajecca, što ŭ adpaviednaści z pratakołam narady "Ab urehulavańni prablemnych pytańniaŭ, źviazanych z ažyćciaŭleńniem karancinnaha fitasanitarnaha kantrolu padkarancinnaj pradukcyi pachodžańniem z trecich krain, jakaja pastupaje ŭ Rasijskuju Fiederacyju praz punkty propusku na biełaruskim učastku miažy Mytnaha sajuza" ad 6 śniežnia 2012 hoda, rasijski i biełaruski baki pryjšli da vysnovy ab nieabchodnaści ažyćciaŭleńnia sumiesnaha kantrolu ŭ Biełarusi i Rasii ŭ miescach mytnaha afarmleńnia, ź jakich padkarancinnaja pradukcyja nakiroŭvajecca na terytoryju dziaržaŭ — členaŭ Mytnaha sajuza.

U hetaj suviazi Raśsielhasnahlad "prasiŭ biełaruski bok vyznačyć miescy mytnaha afarmleńnia, ź jakich padkarancinnaja pradukcyja nakiroŭvajecca na terytoryju Rasijskaj Fiederacyi i ŭ jakich metazhodnaje praviadzieńnie sumiesnaha kantrolu".

Akramia taho, Raśsielhasnahlad źviarnuŭsia piśmova ŭ Ministerstva sielskaj haspadarki i charčavańnia Biełarusi i prapanavaŭ dla sumiesnaha kantrolu na terytoryi Rasii šerah miescaŭ mytnaha afarmleńnia padkarancinnaj pradukcyi, u tym liku raźmieščanych u portach Krasnadarskaha kraju, bo praz ukazanyja porty na terytoryju Rasii ŭvoziacca bujnyja partyi padkarancinnaj pradukcyi, jakaja paśla pieramiaščajecca pa ŭsioj terytoryi Mytnaha sajuza i ŭjaŭlaje "patencyjalnuju niebiaśpieku ŭ karancinnych fitasanitarnych adnosinach" dla terytoryi Biełarusi. Jak ličać u Raśsielhasnahladzie, vopyt sumiesnaj pracy ŭ marskim porcie byŭ by karysny dla biełaruskich śpiecyjalistaŭ pry raspracoŭcy adzinaj narmatyŭnaj pravavoj bazy Mytnaha sajuza ŭ miežach Jeŭrazijskaj ekanamičnaj kamisii.

U vypadku atrymańnia zhody Minsielhascharča Biełarusi

pačatak praviadzieńnia sumiesnaha kantrolu płanujecca 18 lutaha 2013 hoda.

6 śniežnia 2012 hoda Raśsielhasnahlad zajaviŭ pra "surjoznuju zakłapočanaść" toj akaličnaściu, što značnaja častka parkarancinnych hruzaŭ, jakija pastupajuć na terytoryju mytnaj prastory, nie prachodzić adpaviednaj pravierki. "Tak, z 15 pa 25 listapada pry praviadzieńni Raśsielhasnahladam unutranaha manitorynhu, vyjaŭlena 86 transpartnych srodkaŭ ź nieparušanymi płombami krain-pastaŭščykoŭ, što śviedčyć ab tym, što hruz u ich nie praviaraŭsia pry pierasiačeńni dziaržaŭnaj miažy Biełarusi. Pry hetym u piaci transpartnych srodkach vyjaŭlena zaražeńnie zrezanych kvietak chryzantem i ruž kvietkavym trypsam i tytuniovaj biełakryłkaj.

• 0
• 0
• 0
• 0
• 0
• 0
• 0
• 0