Namieśnik hienprakurora: Pieraškod dla vyjezdu Iryny Chalip za miažu niama

Prysud Irynie Chalip nie ŭtrymlivaje pramoj zabarony na vyjezd za miažu. Ab hetym BiełaPAN zajaviŭ namieśnik hienieralnaha prakurora Biełarusi Alaksiej Stuk.

«Pieraškod dla jaje vyjezdu za miažu, zychodziačy z pryhavoru, niama. Dla hetaha treba źviarnucca ŭ orhan, jaki kiruje vykanańniem pryhavoru, — kryminalna-vykanaŭčuju inśpiekcyju Partyzanskaha RUUS Minska.

Nahadajem, Iryna Chalip, žonka eks-kandydata ŭ prezidenty Andreja Sańnikava, jaki atrymaŭ palityčnaje prystanišča ŭ Vialikabrytanii, u mai 2011 hoda była pryznanaja vinavataj va ŭdziele ŭ masavych biesparadkach paśla vybaraŭ 19 śniežnia 2010 hoda i asudžanaja na dva hady pazbaŭleńnia voli z adterminoŭkaj vykanańnia pakarańnia na dva hady.

Jana nie maje prava pakidać Minsk, abaviazana kožny tydzień adznačacca ŭ milicyi i być doma paśla 22.00.

U toj ža čas Alaksandr Łukašenka nieadnarazova (u intervju brytanskim žurnalistam 9 kastryčnika 2012 hoda, na pres-kanfierencyi 15 studzienia 2013 hoda) havaryŭ ab tym, što Chalip moža vyjazdžać z krainy, i abiacaŭ arhanizavać joj takuju mahčymaść.

U pryvatnaści, 15 studzienia kiraŭnik dziaržavy zajaviŭ: «Kali vy chočacie jaje kudyści pavieźci, zaŭtra idzicie da hienieralnaha prakurora. U mianie jość adpaviednyja paŭnamoctvy, vy jaje možacie zabrać i pavieźci. Ale jana nie pajedzie». Pavodle słoŭ Łukašenki, «Iryna — razumnaja žančyna, jana cudoŭna razumieje: siońnia jana achviara režymu, zaŭtra pra jaje zabuduć. Voś, napeŭna, tamu jana i nie pajechała».

Jak paviedamiŭ namieśnik hienprakurora, ciapier Chalip pa pryhavory suda adbyvaje «inšyja miery kryminalnaj adkaznaści».

Namieśnik hienieralnaha prakurora taksama źviarnuŭ uvahu na toje, što Chalip nie znachodzicca pad padpiskaj ab niavyjeździe.

*** Hetyja abmiežavańni prapisanyja ŭ art. 77 Kryminalnaha kodeksa «Asudžeńnie z adterminoŭkaj vykanańnia pakarańnia». Punkt 4 abviaščaje: «Pry adterminoŭcy vykanańnia pakarańnia sud moža abaviazać asudžanaha <…> nie mianiać miesca žycharstva biez zhody orhana, jaki ažyćciaŭlaje kantrol za pavodzinami asudžanaha, nie vyjazdžać pa asabistych spravach na termin bolš čym adzin miesiac za miežy rajona (horada) miesca žycharstva, pieryjadyčna źjaŭlacca ŭ hety orhan dla rehistracyi, znachodzicca paśla nastupleńnia peŭnaha času pa miescy žycharstva, nie naviedvać peŭnyja miescy.

• 0
• 0
• 0
• 0
• 0
• 0
• 0
• 0