Ministr zamiežnych spraŭ Linas Linkiavičus miarkuje, što Biełaruś — dosyć važny ekanamičny partnior.
«Na pytańnie, što važniej: pravy čałavieka ci hruzy u Kłajpiedzie, my nie pavinny tak schiematyčna stavicca da situacyi. Usio važna. My nie źbirajemsia padymać ekanamičnyja intaresy vyšej za pravy čałavieka.
Ale hruzy ŭ Kłajpiedu važnyja jak dla Litvy, tak i dla Biełarusi. Ekanamičnaje supracoŭnictva taksama jadnaje, prymušaje razmaŭlać bolš kanstruktyŭna, jano prymušaje prahmatyčnych ludziej zadumacca pra hetyja pieraškody, jakija zaminajuć supracoŭnictvu. Hetyja pieraškody — palitviaźni, parušeńni pravoŭ čałavieka i inšaje.
Adny ličać, što Biełaruś treba „abnieści ścianoj“, izalavać, pakarać, ale ja asabista prytrymlivajusia inšaha mierkavańnia.Nie treba ŭzvodzić ścieny. treba znajści mahčymaść paŭpłyvać na našych kalehaŭ, bolš mieć znosiny, supracoŭničać.
Ja adčuŭ, što ź imi možna havaryć.Biełarusy — partniory, ź jakimi možna i treba razmaŭlać, i heta pavinny rabić jak Litva, tak i ES. Tolki ŭ takim vypadku my zmožam ubačyć niejkija źmieny», — skazaŭ Linkiavičus.
Ministr pahadziŭsia z tym, što Litva dla Biełarusi źjaŭlajecca svojeasablivymi varotami na Zachad. «My štodnia vydajem biełarusam kala 1 000 viz. Heta vielizarnaja fabryka pa vytvorčaści viz.
I ja, jak były pasoł, mahu skazać, što my ledź ci nie tracina viz vydajecca biaspłatna. Spartsmienam, moładzi, pradprymalnikam, ja ŭžo nie kažu pra niaščasnyja vypadki i h.d. Heta značyć, my starajemsia, kab biełarusam było lahčej ubačyć śviet, ubačyć Jeŭropu, praz nas jany mohuć trapić u Jeŭropu», -- skazaŭ Linkiavičus u prahramie «Ranišniaja kava» 10 studzienia na litoŭskim telebačańni.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary