Ahulnaja suma achviaravańniaŭ ad zamiežnych donaraŭ na EHU sioleta skłała $3,85 młn
Jeŭrapiejski humanitarny ŭniviersitet u Vilni ŭtrymlivajecca za košt datacyj z roznych krain.
Sioleta suma achviaravańniaŭ zachodnich krain i fundacyj u jahonyja fondy akazałasia paraŭnalnaj ź biudžetam Akademii kiravańnia pry prezidencie i na 15% mienšaj za biudžet BRSM.
Jeŭrapiejski humanitarny ŭniviersitet abviaściŭ, što svoj šosty hod znachodžańnia ŭ Vilni jon skončyć ź niemałym padarunkam sa Złučanych Štataŭ. Siońnia było abvieščana, što fundacyja Makarturaŭ vyłučyć biełaruskamu ŭniviersitetu ŭ vyhnańni $500 tys. u jahony dabračynny fond.
Ahułam 2012 hod akazaŭsia davoli paśpiachovym dla ŭniviersitetu, što pazicyjanuje siabie jak adziny biełaruski, jaki zdoleŭ zachavać svaju niezaležnaść i addanaść idei akademičnaj svabody. Tolki na nastupny hod EHU zdoleŭ atrymać dadatkovych $3.15 młn.
Ahulnaja suma achviaravańniaŭ ad zamiežnych donaraŭ sioleta skłała $3.85 młn.Heta suma roŭnaja biudžetu Akademii kiravańnia pry prezidencie Respubliki Biełaruś. I tolki na 15% mienšaja za abjem biudžetnaha finansavańnia Biełaruskaha respublikanskaha sajuzu moładzi.
Pa kolkaści studentaŭ Akademija kiravańnia padobnaja da EHU. Viadoma, što
kala dvuch tracinaŭ studentaŭ EHU navučajecca na zavočnym adździaleńni.Struktura raźmierkavańnia studentaŭ Akademii kiravańnia pa adździaleńniach nieviadomaja.
EHU «źjaŭlajecca univiersitetam, zasnavanym na jeŭrapiejskich kaštoŭnaściach. Jaho meta — źnižać barjery, jakija padzialajuć Biełaruś i Jeŭropu, i padtrymać intehracyju Biełarusi ŭ Jeŭropu», — zajaviŭ novy staršynia kirujučaj rady EHU, prafiesar-emieryt palityčnych navuk i dziaržaŭnaha administravańnia Stakholmskaha ŭniviersiteta Daniel Taršys na śviatkavańni 20-hodździa ŭniviersitetu ŭ pałacy ŭradu Šviecyi. U čas uračystaściaŭ Šviecyja abviaściła ab vyłučeńni dadatkovych $1.45 na finansavańnie EHU, što zrabiła hetu krainu bujniejšym donaram univiersitetu ŭ hetym hodzie.
Ciapier da 70% srodkaŭ ŭniviersitet u vyhnańni atrymlivaje ad sponsaraŭ, jakija pieravažna mieściacca ŭ krainach Paŭnočnaj Jeŭropy i Amierycy.
Akramia Šviecyi hrošy na ŭtrymańnie EHU sioleta vyłučyli Narviehija (pa $900 tys. ciaham troch hadoŭ), ZŠA ($1 młn. na try hady), fundacyja Makarturaŭ ($500 tys.).
Akramia hetych krain i fundacyi, EHU u roznyja časy finansavali Hrecyja, Litva, Danija, Čechija, Irłandyja, Open Society Institute Džordža Sorasa, fundacyja Roberta Boša i inšyja donary, u tym liku pryvatnyja.
Niadaŭna było abvieščana, što EHU źbirajucca pašyryć na rasiejskamoŭnaje nasielnictva Hiermanii.
Ciapier čytajuć
Łukašenka zajaviŭ pra hatoŭnaść pryjechać u Kijeŭ11
Kamientary