Bieraściejski hurt «Ściana» ź pieśniaj «Možna być» čatyry tydni zapar trymaŭ pieršaje miesca na «Tuzinie hitoŭ». Lider hurtu Andrej Klimus raskazvaje pra pieśniu: «Tvor — pra nieabmiežavanaść mahčymaściaŭ i šlachoŭ samaŭdaskanaleńnia: my možam być bolšymi, čym jość, kali žyviom pošukam novaha i niezvyčajnaha».
Na «Možna być» «Ściana» źniała videaklip — takim čynam hurt vykarystaŭ uznaharodu za druhoje miesca na feście «Hienerały ajčynnaha roku». Chłopcy adnieśli klip na «Pieršy muzyčny», tam jaho admovilisia brać u ratacyju, paličyŭšy «biessensoŭnaj narezkaj kadraŭ». «A my tam paprostu stvaryli efekt staroj kinastužki», — kaža A.Klimus.
«Ściana» maje pakul tolki adzin albom, vydadzieny ŭ 2001 h., i źbirajecca zapisvać novy dysk. Kancertaŭ u Polščy tolki za hetaje leta ŭ «Ściany» było bolej, čym mienskich za ŭsie šeść hadoŭ isnavańnia.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam30
Kamientary