Karžakavaty vakalist zavodzić: «Na ŭsim abšary smačniej za ŭsio kalmary!» Zala padpiavaje dalej: «Za bulbu, i za skvarku, i za harełki čarku!»
Na akcyju «Rokavaja vosień» u Biarozu damovilisia pajechać razam z «IQ-48», ale tyja vyjechali na samym pieršym ciahniku a šostaj ranicy — tak tańniej. Ja ž zapłaciŭ lišnija try tysiačy za dźvie hadziny snu i pajechaŭ paźniej.
Rok-kancerty ŭ Biarozie prachodziać zredku dy na drennaj aparatury. Častyja hości tut — Saładucha, Kalina, Uchcinski, fanernyja śpievaki. Miascovyja fundatary kultury, miasakambinat, naprykład, hatovyja płacić za ich vystupy šalonyja hrošy. Rokieram — nie. Aparaturu dla «Rokavaj vosieni» zamaŭlali ŭ Bieraście za svaje, a kamandy hrali biezhanararna.
Aleś Lutyč, lider miascovaj kamandy «BN», — miascovaja znakamitaść. Kali hrupa vystupaje ŭ rodnym horadzie, padletki ŭsie afišy zryvajuć za tydzień da pačatku — na suveniry. Muzyka pracuje na miascovym zavodzie pa vytvorčaści plitki, čaściakom adprošvajecca na kancerty ŭ Polšču. Adpuskajuć z achvotaj, u jahonym pakoi — proćma afišaŭ z vystupaŭ u Biełastoku, Varšavie, Bielsku-Padlaskim, Poznani. Ź Miensku — anivodnaj…
Na kancert pryjechała staršynia Biełaruskaj asacyjacyi studentaŭ u Polščy Iłona Karpiuk. Jana ad «BN» u zachapleńni: «Jany na «Basoviščy» ŭžo katory hod u chiedłajnerach. Polskija muzyki, kali zavodzim razmovu pra biełaruski rok, adrazu zhadvajuć «BN» i «N.R.M.»
Pobač z pałacam kultury stajać chłopcy ź jašče adnoj miascovaj kamandy — «Kalmary». Hladziać na pryviezienyja kalonki i kažuć: «Niaŭžo ŭpieršyniu na narmalnym aparacie syhrajem?» Muzyki — u sałamianych brylach, ź instrumentami, što prajšli praź dziasiatak ruk. Karžakavaty vakalist zavodzić: «Na ŭsim abšary smačniej za ŭsio kalmary!» Zala padpiavaje dalej: «Za bulbu, i za skvarku, i za harełki čarku!»
Hrupa «Ściah» z Pružanaŭ jašče niaŭmieła torhaje struny, a vakalist śpiavaje kštałtu «Kali ciabie niama, ja kachaju biez uma». Adnak miascovyja staviacca da ich usio adno dobrazyčliva. Svaje ž i pa-svojmu piajuć!
Sapraŭdnaje śviata ładziać «IQ-48». Z kožnym vystupam kamanda vyhladaje ŭsio kruciejšaj. Hodzie nazyvać ich «maładymi i talenavitymi»! Publika skača ŭ zachapleńni ad «Karydy», «Vyjścia», «Śviatła ŭ ciemry». Starejšyja siadziać na zedlikach i ŭśmichajucca, kali ŭsia zala pad kiraŭnictvam vakalista Sašy Rakaŭca skanduje: «Seks! Seks! Seks!»
Za hedłajnera — «BN». Niekali jany hrali ŭ salancy ŭ klubie «Hudvin», i adzin z arhanizataraŭ paprasiŭ ihrać cišej, u adkaz chłopcy adklučyli svaje instrumenty. U hety dzień «biarozaŭcy» prasili muzykaŭ syhrać hučniej.
❏
Aleś Lutyč, salist hurtu «BN», — biarozaŭskaja znakamitaść.
Ciapier čytajuć
U Minsku masažyst Andrej tajemna zdymaŭ hołych klijentak27
Kamientary