У сераду позна вечарам у Атэнах скончыўся фінал футбольнай Лігі чэмпіёнаў сэзону 2006/2007.
У сераду позна вечарам у Атэнах скончыўся фінал футбольнай Лігі чэмпіёнаў сэзону 2006/2007. Сёлетні фінал цалкам дубляваў галоўны паядынак Лігі двухгадовай даўніны – «Мілян» супраць «Лівэрпулю». Тады ангельцы, прайграючы пасьля першага тайму 0:3, змаглі ў другой палове гульні знайсьці сілы адыграцца, а па пэнальці ўвогуле перамагчы.
«Мілян» прагнуў рэваншу, якога і дачакаўся. На апошняй хвіліне першага тайму мілянец Філіпа Індзагі адкрыў лік. Практычна ўся другая палова праходзіла ў нясьпешным тэмпе. Каманды чакалі дзесяці апошніх хвілінаў гульні.
На 82‑й хвіліне Філіпа Індзагі пасьля бліскучай камбінацыі і паса бразыльца Кака падвоіў лік. «Лівэрпуль» не здаваўся. І ўжо праз шэсьць хвілінаў галяндзец Куйт зрабіў перавагу італьянцаў мінімальнай. Каб паўтарыць подзьвіг двухгадовай даўніны ў «Лівэрпуля» папросту не хапіла часу.
У складзе «Міляну» пераможцам Лігі чэмпіёнаў стаў грузін Кахабэр Каладзэ. Ніводзін беларус гэты турнір яшчэ не выйграваў. Летась «Арсэнал» Аляксандра Глеба ў фінале прайграў гішпанскай «Барсэлёне».
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары