У Гомелі суд апраўдаў Уладзіміра Няпомняшчых — міліцыія вінаваціла яго ў лаянцы
11 студзеня суддзя Цэнтральнага раёна Гомеля Алена Цалкова вынесла пастанову пра спыненне адміністрацыйнай справы за дробнае хуліганцтва адносна грамадскага актывіста, пенсіянера Міністэрства ўнутраных спраў Уладзіміра Няпомняшчых за недаказанасцю віны.
Справа гэтая цягнулася ад 7 кастрычніка 2011 года, калі спадара Уладзіміра міліцыянты затрымалі на праспекце Леніна падчас расклейкі налепак пра Народны сход. Супраць яго склалі два адміністрацыйныя пратаколы — за парушэнне парадку арганізацыі масавага мерапрыемства і нецэнзурную лаянку.
Актывіста аштрафавалі двойчы. Да таго ж Уладзімір адседзеў больш як двое сутак у ізалятары, куды яго прэвентыўна змясціла міліцыя па распараджэнні намесніка начальніка Цэнтральнага РАУС Андрэя Пархоменкі.
Расклейку налепак спадар Няпомняшчых не адмаўляў, а штраф за дробнае хуліганцтва (нецэнзурную лаянку) аспрэчыў.
Пра лаянку напісаў у рапарце толькі адзін міліцыянт — оперупаўнаважаны крымінальнага вышуку маёр міліцыі Валер Амельчанка. Ніхто іншы, апрача Амельчанкі, гэту лаянку не чуў.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары