Журналістка выдання Myfin.by заўважыла, што на eBay за $50 прадаецца памятная медна-нікелевая манета «Калінкавіцкі строй» — такія былі ўведзены ў абарачэнне тры гады таму, у 2023-м.
З улікам дастаўкі манета абыдзецца больш чым $55. Дарэчы, у Беларусі яна прадаецца яшчэ даражэй: на сайце «Белнумізматыкі» яе выставілі за 161,9 BYN, а гэта $56 без дастаўкі.
На сайце беларускіх банкаў, якія прадаюць манеты гэтай серыі, менавіта такой ужо няма — на сайце Нацбанка ёсць толькі срэбраная (яшчэ даражэйшая) і медна-нікелевая без пазалоты (значна таннейшая).
І вось чаму: як паведамляе «Белнумізматыка», гэтая манета з пазалотай — адцюнінгаваная:
«Гэты эксклюзіўны лот уяўляе сабой мастацкую мадыфікацыю арыгінальнай манеты Нацыянальнага банка Рэспублікі Беларусь, выпушчаную строга лімітаванай серыяй з 300 экзэмпляраў у межах праекта BelCoinArt. Нанясенне суцэльнага высокатэхналагічнага пакрыцця пад золата ператварыла лаканічны нікелевы чакан у каштоўны арт-аб'ект з глыбокім ювелірным аб'ёмам. Высакародны металічны бляск эфектна падкрэсліў аўтэнтычныя геаметрычныя ўзоры і знакамітыя палескія рамбічныя арнаменты, якія стагоддзямі служылі абярэгамі беларускай сям'і. Унікальнасць і сапраўднасць кожнага экзэмпляра пацверджаныя фірмовым нумарным сертыфікатам (Certificate of authenticity). Для абсалютнай абароны ад фальсіфікацыі на сертыфікат нанесеная спецыяльная галаграма BelCoinArt, якая разбураецца пры любой спробе адклейвання».
Цяпер чытаюць
Латвія «па тэхнічных прычынах» закрыла мяжу з Беларуссю15
Каментары