Валянціну Навумаву прызналі вінаватай на 11 артыкулах КК.
Апошняе пасяджэнне па справе гарадзенкі Валянціны Навумавай прайшло 24 ліпеня. У выніку суддзя Мікалай Рачынскі прысудзіў 7 гадоў зняволення ў калоніі. Менавіта столькі запытваў пракурор, піша «Гарадзенская праваабарона».
Навумаву прызналі вінаватай паводле 11 артыкулаў Крымінальнага кодэкса:
- артыкул 16, частка 6 (пасобніцтва ў суўдзеле ў злачынстве)
- 130, частка 1 (распальванне іншай сацыяльнай варожасці)
- 130, частка 3 (дзеянні, якія прадугледжаны часткамі 1 ці 2 артыкулу, здзейсненыя групай асобаў)
- 188 (паклёп)
- 203-1, частка 3 (парушэнне тайны перапіскі, тэлефонных перамоваў)
- 361-4, часткі 1 і 2 (садзейнічанне экстрэмісцкай дзейнасці, тыя ж дзеянні, здзейсненыя паўторна)
- 367, частка 2 (паклёп у дачыненні Лукашэнкі)
- 368, частка 1 (абраза Лукашэнкі)
- 369 (абраза прадстаўніка ўлады)
- 370 (здзек з дзяржаўных сімвалаў)
- 391 (знявага суддзі).
Валянціна Навумава доўгі час была сябрам партыі левых «Справядлівы свет». У 2017 годзе яна была аштрафаваная на 15 базавых адзінак па адміністрацыйнай справе за ўдзел у акцыі «недармаедаў».
Жанчыну затрымалі 5 верасня 2025 года і змясцілі ў турму №1 у Гродне. Спачатку ў справе фігураваў ч. 2 арт. 367 (паклёп на Лукашэнку).
Але 27 лютага 2026 года былі выстаўленыя новыя абвінавачванні паводле артыкулаў Крымінальнага кодэкса.
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка3
Каментары