«Івацэвічдрэў» плануе ўжо сёлета пачаць будаўніцтва новага завода па вытворчасці драўняна-стружкавых пліт (ДСП). Пра гэта паведаміў генеральны дырэктар прадпрыемства Аляксандр Ільніцкі.
Паводле слоў Ільніцкага, праект знаходзіцца на пачатковай стадыі і прадугледжвае ўзвядзенне завода магутнасцю 600 тысяч кубічных метраў прадукцыі на год. Ён уключаны ў Праграму сацыяльна-эканамічнага развіцця Беларусі на 2026—2030 гады.
Прадпрыемства мае намер прыступіць да рэалізацыі праекта ўжо ў гэтым годзе, а ўвесці новы завод у эксплуатацыю плануецца ў 2029 годзе.
Як адзначыў кіраўнік кампаніі, запуск новай вытворчасці дазволіць значна павялічыць аб’ёмы выпуску прадукцыі, выручку і агульную прыбытковасць прадпрыемства — не менш чым утрая.
Акрамя таго, на «Івацэвічдрэве» актыўна рэалізуецца праект па арганізацыі вытворчасці кухонных стальніц. Частка неабходнага абсталявання ўжо закупленая, заключаны кантракты на пастаўку наступных партый тэхнікі.
Паводле планаў прадпрыемства, вытворчасць кухонных стальніц можа быць запушчана прыкладна ў сярэдзіне наступнага года.
У кампаніі разлічваюць, што новы прадукт стане добрым дапаўненнем да асноўнай прадукцыі — драўняна-стружкавых пліт. Гэта дазволіць прапанаваць кліентам больш комплексныя рашэнні і лепш задавальняць патрэбы вытворцаў мэблі, асабліва ў сегменце індывідуальных заказаў.
Цяпер чытаюць
Літоўскага блогера, які вазіў турыстаў у Чарнобыльскую зону, пасадзілі ў Беларусі за палітыку1
Каментары