Расійскі рэпер Маргенштэрн афіцыйна стаў яўрэем і змяніў імя — з Алішэра на Ісраэля Егуду Маргенштэрна.
Канал «Голас Ізраіля» паведаміў, што спявак прайшоў гіюр. Гэта абрад пераходу неяўрэя ў іўдаізм, які азначае прыняцце яўрэйскай веры і абавязку выконваць запаведзі Торы. Працэдура ўключае шматмесячнае вывучэнне традыцый, праверку равінскім судом і рытуалы: абразанне (для мужчын) і акунанне ў мікву.
Цяпер Маргенштэрн жыве ў Ізраілі (у 2022 годзе ён атрымаў ізраільскае грамадзянства). І нават «прапаведуе» ў інстаграме тое, што даведаўся пра Бога і мараль.
Пасля пачатку поўнамаштабнай вайны Расіі супраць Украіны рэпер асудзіў напад. У Расіі Маргенштэрна прызналі інагентам.
У 2025 годзе Маргенштэрну забаранілі ўезд у Літву на 10 гадоў і не далі правесці канцэрт (бо раней ён усхваляў Пуціна). Але ў 2026‑м суд адмяніў гэту забарону. Суд патлумачыў, што Дэпартамент міграцыі неналежным чынам абапіраўся на інфармацыю, пададзеную Міністэрствам замежных спраў, як на галоўную падставу для ацэнкі пагрозы нацыянальнай бяспецы. Акрамя таго, суддзі палічылі, што некаторыя аргументы базаваліся на меркаваннях, а не на фактычных доказах.
Дзядок расказаў, як паводзіў бы сябе ў сённяшняй Беларусі і што будзе далей5
Каментары