Як даведалася Financial Times ад дзейных і былых амерыканскіх чыноўнікаў, у выпадку Кубы гаворка ідзе не пра поўную змену палітычнай сістэмы, а хутчэй пра сімвалічную «змену рэжыму» праз замену кіраўніка дзяржавы. Пры гэтым крыніцы выдання сцвярджаюць, што Вашынгтон настойвае менавіта на такім сцэнарыі ў перамовах.
ЗША нібыта разглядаюць варыянт, пры якім у межах магчымых дамоўленасцяў з Кубай павінна адбыцца адхіленне ад улады прэзідэнта краіны Мігеля Дыяса-Канеля.
Раней амерыканскія СМІ ўжо пісалі, што ЗША могуць разглядаць магчымасць адхілення кубінскага прэзідэнта ад улады, але без кардынальнай змены ўсёй сістэмы кіравання. У той жа час афіцыйныя асобы, у тым ліку дзяржсакратар Марка Рубіа, называлі падобныя паведамленні фэйкавымі.
Нягледзячы на гэта, апошнім часам палітыка ЗША ў дачыненні да Кубы стала больш жорсткай. У прыватнасці, Мінюст ЗША абвінаваціў былога лідара краіны 95‑гадовага Рауля Кастра ў змове, а Пентагон накіраваў у рэгіён авіяносную ўдарную групу.
Дадатковыя падазрэнні наконт магчымых жорсткіх дзеянняў узніклі пасля паведамлення CBS News пра візіт дырэктара ЦРУ Джона Рэткліфа ў Гавану. Паводле гэтых звестак, яго суправаджаў спецназавец, які раней удзельнічаў у аперацыі супраць венесуэльскага лідара Нікаласа Мадура. Гэта ўзмацніла чуткі пра магчымыя сілавыя сцэнары. Кубінскі бок адхіляе ўсе абвінавачанні і заяўляе, што ЗША шукаюць падставы для ціску або магчымай агрэсіі.
Паводле іншых крыніц, у Вашынгтоне пакуль няма канчатковага рашэння: разглядаюцца як дыпламатычныя, так і сілавыя варыянты развіцця падзей.
Выключная падзея: дырэктар ЦРУ прыляцеў на Кубу
Прэзідэнт Кубы заявіў, што магчымы ваенны напад ЗША на краіну прывядзе да крывавай бойні з непрадказальнымі наступствамі
«Уключыце святло». Кубінцы пратэстуюць супраць уладаў на фоне поўнага блэкаўту
Куба на мяжы катастрофы: ці выжыве краіна і якая гісторыя яе адносін з ЗША
ЗША распрацоўваюць план вайсковай аперацыі на Кубе
Цяпер чытаюць
«Я супрацоўнік КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку19
Каментары