У Расіі цалкам забаранілі продаж і ўвоз вядомай мінеральнай вады «Джэрмук», якую здабываюць у Арменіі. Такое рашэнне прыняў Расспажыўнагляд, піша «Коммерсант».
Раней, з канца красавіка, абмежаванні дзейнічалі толькі для асобных партый вады з канкрэтнымі датамі вытворчасці. Цяпер жа забарона распаўсюджваецца на ўсю прадукцыю без выключэння. Улады Расіі проста забаранілі пастаўкі гэтай вады ў краіну.
Фармальная прычына ў тым, што ў вадзе нібыта выявілі перавышэнне ўтрымання некаторых рэчываў — гідракарбанатаў, хларыдаў і сульфатаў. Ведамства сцвярджае, што гэта, маўляў, можа ўводзіць людзей у зман адносна яе лекавых уласцівасцяў і нават шкодзіць здароўю, калі чалавек разлічвае на такі эфект.
Пра прынятае рашэнне паведамілі ў Еўразійскую эканамічную камісію і адпаведныя органы іншых краін ЕАЭС, а таксама гандлёвым арганізацыям, каб спыніць распаўсюджанне прадукцыі.
Фармальна гэта рашэнне выглядае як абмежаванні па чыста тэхнічных прычынах, аднак даўно вядома, што санітарныя абмежаванні для імпарту з краін, кіраўніцтва ці народ якіх нечым не дагадзілі Крамлю — стандартная практыка расійскіх уладаў. Знаходжанне Расспажыўнаглядам ці іншымі падобнымі структурамі ў прадукцыі той ці іншай краіны чагосьці шкоднага амаль заўсёды дзівосным чынам супадае з агульным пагаршэннем міждзяржаўных адносін.
Раней Рассельгаснагляд заявіў, што з 22 мая ўводзіць абмежаванні на ўвоз кветак з Арменіі.
Раcія працягвае ціснуць на Арменію і словамі, і справамі
Турцыя аб'явіла пра адмену абмежаванняў на прамы гандаль з Арменіяй
«Мы абралі шлях дэмакратызацыі, яны — крыху іншы». У Арменіі адрэагавалі на ноту беларускага МЗС
Пашынян паскардзіўся кіраўніцтву ЕС на гібрыдныя пагрозы
Пуцін заявіў, што вайна ва Украіне «блізкая да завяршэння», і хоча, каб перамоўнікам быў Шродэр
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары