Пакуль Іран і ЗША вядуць перамовы, Кітай блакуе яшчэ адзін важны марскі шлях
Наступствы будуць адчувальныя ва ўсім свеце.
У той час як Іран і ЗША фактычна блакуюць Армузскі праліў і паралельна абмяркоўваюць магчымую мірную дамову, за тысячы кіламетраў развіваецца новы марскі крызіс: Кітай, відаць, перакрывае доступ да спрэчнага і стратэгічна важнага рыфа Скарбаро ў Паўднёва-Кітайскім моры, піша Bild.
Спадарожнікавыя здымкі паказалі, што Кітай выкарыстоўвае караблі і плывучы бар’ер для блакавання доступу да рыфа. Скарбаро — традыцыйны раён рыбалоўства, размешчаны за 220 км на захад ад філіпінскага вострава Лусон. Абедзве краіны прэтэндуюць на гэтую тэрыторыю, паколькі яна знаходзіцца ў важнай рыбалоўнай і гандлёвай зоне, аднак Кітай фактычна кантралюе яе з 2012 года.
«Пакуль свет з заміраннем сэрца сочыць за Армузскім пралівам і яго падвойнай блакадай Іранам і ЗША, Кітай прыкладна ў 3700 марскіх мілях адтуль, у Паўднёва-Кітайскім моры, таксама пачынае ўсталёўваць марскую блакаду», — папярэдзіў у Bild эксперт па геапалітыцы Клеменс Фішэр.
Манёўр Кітая мае «зусім іншае вымярэнне», чым цяперашняя блакада Армузскага праліва, тлумачыць Фішэр:
«Праз Паўднёва-Кітайскае мора штогод праходзіць каля траціны сусветнага марскога грузазвароту, гэта значыць тавараў на суму каля 3,3 трыльёна даляраў ЗША. Сем прыбярэжных дзяржаў змагаюцца за выключнае права ў дзевяці розных зонах, Кітай удзельнічае амаль у кожным канфлікце і цяпер, відаць, дамагаецца свайго на рыфе Скарбаро».
Наступствы будуць адчувальныя ва ўсім свеце:
«Адна толькі гэтая нявызначанасць можа прывесці да росту страхавых прэмій для суднаў і грузаў, а значыць — да павелічэння транспартных выдаткаў, якія адаб’юцца на канчатковых цэнах для спажыўцоў. Гэта азначае, што многія тавары могуць падаражэць».
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары