У Рэспубліканскім саюзе турыстычных арганізацый паведамілі, што ўжо ў жніўні могуць з’явіцца прамыя авіярэйсы з Мінска на Мальдывы. Мяркуецца, што гэта стане новым далёкім напрамкам для авіякампаніі «Белавія».
Рэйсы плануюць выконваць у Мале, сталіцу Мальдываў, прыкладна са жніўня да восені (кастрычнік—лістапад).
Пакуль беларусы могуць дабірацца на Мальдывы толькі з перасадкамі — напрыклад, праз Маскву або Стамбул. Раней выкарыстоўвалі і маршрут праз Дубай, але з-за вайны ў Іране цяпер ён менш актуальны.
Паводле даных мальдыўскіх службаў, колькасць турыстаў з Беларусі расце: у 2022 годзе іх было больш за 4 тысячы, а ў 2023 — яшчэ прыкладна на 1,9 тысячы больш. Праўда, афіцыйная беларуская статыстыка ніжэйшая, бо многія беларусы падарожнічаюць на Мальдывы самастойна і транзітам праз іншыя краіны.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку25
Каментары