Прэзідэнт Францыі Эмануэль Макрон заявіў пра пачатак этапу «прасунутага ядзернага стрымлівання» і пра намер узмацніць ядзерны арсенал краіны на фоне росту глабальных рызык і пагроз магчымай эскалацыі канфліктаў, піша The Moscow Times.
Выступаючы на базе падводных лодак у Брэтані, французскі лідар адзначыў, што ў сучасных умовах геапалітычных узрушэнняў Францыя павінна заставацца моцнай. Паводле яго слоў, каб краіну паважалі і лічылі бяспечнай, яна павінна мець магутны абарончы патэнцыял. Макрон паведаміў, што аддаў загад павялічыць колькасць ядзерных боегаловак.
Таксама Францыя больш не будзе публічна раскрываць даныя пра памер свайго ядзернага арсеналу. Парыж пакідае за сабой права выкарыстоўваць ядзерныя сілы для абароны жыццёвых інтарэсаў дзяржавы і плануе запусціць праграму распрацоўкі новых гіпергукавых ракет.
Паводле міжнародных ацэнак, цяпер у Францыі каля 290 ядзерных боегаловак. Краіна застаецца адзінай у Еўрапейскім саюзе з цалкам незалежным ядзерным арсеналам. Брытанская ядзерная праграма залежыць ад падтрымкі ЗША.
Новая ядзерная дактрына Францыі прадугледжвае пашырэнне супрацоўніцтва з еўрапейскімі партнёрамі. Ужо сёлета Германія далучыцца да сумесных вучэнняў і пачне наведванне французскіх ядзерных аб’ектаў. Да ініцыятывы таксама плануюць далучыцца шэраг краін Еўропы.
Восем еўрапейскіх краін «пагадзіліся» прыняць удзел у «пашыраным стрымліванні», прапанаваным Францыяй: Вялікабрытанія, Германія, Польшча, Нідэрланды, Бельгія, Грэцыя, Швецыя і Данія, адзначыў Эмануэль Макрон.
Макрон абвясціў, што Францыя зможа падаць еўрапейскім саюзнікам стратэгічныя рэсурсы, звязаныя з ядзерным стрымліваннем, для «разгортвання па абставінах».
«Супрацоўніцтва пачнецца з сумесных вучэнняў», — патлумачыў Макрон.
Кіраўніцтва Германіі цяпер вядзе перамовы з Парыжам пра магчымасць пашырэння французскага «ядзернага парасона» на краіны ЕС. Пытанні ядзернай абароны абмяркоўваюцца і ў іншых дзяржавах Еўропы.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары