Апошняя прадстаўніца Беларусі на «Еўрабачанні» спрабуе прадаць праз аўкцыён старыя джынсы
Стартавая цана джынсаў Зіны Купрыяновіч — 1555 рублёў. Але колькасць удзельнікаў аўкцыёну спявачку засмучае.
Зіна Купрыяновыч прадстаўляла Беларусь на «Еўрабачанні» ў 2019 годзе, у фінале заняла перадапошняе месца.
Так атрымалася, што менавіта яна стала апошняй удзельніцай нашай краіны на самым папулярным музычным конкурсе Еўропы. Бо ў 2020 годзе «Еўрабачанне» адмянілі праз каранавірус, а ў 2021 годзе Беларусь увогуле дыскваліфікавалі.
Цяпер артыстка выступае пад псеўданімам Zina Bless. Нядаўна яна вырашыла прадаць свае старыя джынсы і арганізавала аўкцыён на сваёй старонцы ў інстаграме.
Кажа, гэта першыя і адзіныя джынсы, якія цалкам абшытыя біркамі ўручную. Сама спявачка носіць адзенне памеру XS, але гэтыя джынсы — L. Калі спатрэбіцца, джынсы ўшыюць пад меркі пакупніцы.
Zina Bless паставіла стартавую цану — але ў каментарах чаргі з ахвочых не атрымалася. Толькі адзін чалавек — сур’ёзна ці жартуючы — прапанаваў 1666 рублёў.
Такая сітуацыя артыстку пакрыўдзіла. Яна напісала ў сторыс: «1666 апошняя цана? Ці ў мяне аўдыторыя без грошай? Я не зразумела!»
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка8
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары