У расійскім Омску асудзілі двух падлеткаў па справе аб падпале верталёта Мі-8 — ім далі па сем гадоў калоніі і гіганцкі штраф
Падлеткаў абавязалі выплаціць шкоду 668 мільёнаў расійскіх рублёў (па 8,7 млн даляраў), паведамляе ТАСС.
2‑і Усходні Акруговы вайсковы суд прысудзіў двух падлеткаў да сямі і сямі з паловай гадоў пазбаўлення волі паводле справы аб падпале верталёта Мі-8 на тэрыторыі вайсковага аэрадрома ў Омску.
Падлеткаў прызналі вінаватымі ва ўчыненні тэракту па папярэдняй змове. Да паўналецця іх будуць утрымліваць у выхаваўчай калоніі, а затым перавядуць у калонію агульнага рэжыму.
Следства лічыць, што ў верасні 2024 года падлеткі праніклі на тэрыторыю аэрадрома «Омск-Паўночны» і падпалілі верталёт з дапамогай самаробнай запальнай сумесі. На працягу сутак іх затрымалі.
Паводле звестак ФСБ, на допыце падлеткі заявілі, што невядомы ў мэсэнджары прапанаваў ім 20 тысяч даляраў за падпал. Сцвярджаецца, што пасля гэтага яны адправілі куратару відэа з падпалам у якасці справаздачы.
Каментары