Беларускі Чырвоны Крыж арганізаваў у Мінску тры мабільныя пункты абагрэву
У пункце абагрэву прапануюць сагрэцца гарачай гарбатай, з’есці салодкае, пры неабходнасці атрымаць цёплыя рэчы.
Беларускі Чырвоны Крыж арганізаваў у Мінску тры мабільныя пункты абагрэву, паведаміла БелТА старшыня Мінскай гарадской арганізацыі БЧК Раманія Зорына.
«У сувязі з халодным надвор’ем, нягледзячы на тое, што сёння непрацоўны дзень, мы арганізавалі ў Мінску тры мабільныя пункты абагрэву. Працуюць нашы супрацоўнікі і валанцёры Беларускага Чырвонага Крыжа», — сказала Раманія Зорына.
Паводле яе слоў, пералік паслуг традыцыйны. У пункце абагрэву прапануюць сагрэцца гарачай гарбатай, з’есці салодкае.
Пры неабходнасці можна атрымаць цёплую вопратку, рукавіцы, шапкі, цёплае паліто або куртку. Таксама тут даюць агульную інфармацыю пра неабходнасць карыстання ахоўнымі крэмамі і іншымі сродкамі, навучаюць аказанню першай дапамогі пры абмаражэннях.
Пункты абагрэву арганізаваны ў трох раёнах горада: у Заводскім (у раёне рынку), каля станцыі метро «Уручча» (на адным з прыпынкаў на выезд з горада) і ў Савецкім раёне — у Сельгаспасёлку.
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?4
Каментары