У пятніцу кошт золата наблізіўся да ўзроўню $5 тысяч за унцыю, сведчаць даныя таргоў на біржах.
Ілюстрацыйнае фота Osaka / Wayne Studio / Getty Images
На 10:00 па мінскім часе золата таргавалася на ўзроўні $4966 на унцыю. Потым пачалося зніжэнне, і па стане на 11:00 цана складае 4942 даляры.
На гэтым тыдні ў аўторак ф’ючарсы на золата з пастаўкай у лютым 2026 года ўпершыню перасягнулі ўзровень $4,7 тыс. за тройскую унцыю, потым 4800 і 4900 даляраў.
Па меркаванні аналітыкаў, золата працягвае даражэць на фоне росту попыту на актывы ў кантэксце сітуацыі вакол Грэнландыі.
У 2025 годзе золата паказала найбольшы рост за больш чым 60 гадоў — яго кошт вырас на 64%.
Каментары