93 прыгарадныя аўтобусы не даехалі да канцавога пункта маршруту, у 43 выпадках маршруты былі адмененыя
Як і Мінск, практычна ўся Мінская вобласць знаходзіцца ва ўладзе цыклону «Улі». Усе службы цэнтральнага рэгіёна працуюць у кругласутачным рэжыме. Пра гэта паведаміў начальнік Мінскага абласнога ўпраўлення МНС Сяргей Лапановіч, піша «Мінская праўда».
— На дарогах фіксуюцца заторы. Разам з тым, вялікіх праблем на асноўных рэспубліканскіх трасах няма, аднак цяжкасці ў руху ўсё ж маюць месца, — падкрэсліў Сяргей Лапановіч.
Што да сітуацыі на чыгунцы, асобныя цягнікі ідуць з адхіленнем ад графіка.
— Затрымкі фіксуюцца на маршрутах Мінск — Орша, Мінск — Гомель, Мінск — Брэст. Зарэгістравана затрымка 20 цягнікоў на 6—57 хвілін. На жаль, у снежных заносах захрасае і грамадскі транспарт.
— Зафіксавана 93 выпадкі, калі прыгарадныя аўтобусы не даехалі да канцавога пункта маршруту. Яшчэ ў 43 выпадках маршруты былі адмененыя альбо транспарт не заязджаў на прыпыначныя комплексы. Больш за 40 аўтобусаў не даехалі да канцавога прыпынку. Падраздзяленні МНС каля 40 разоў прыцягваліся для вызвалення транспарту, які захрас у снезе, — адзначыў Сяргей Лапановіч.
Існуюць праблемы з праездам спецыяльнага транспарту да месцаў выкліку.
— Так, зафіксавана 8 такіх выпадкаў для аўтамабіляў хуткай медыцынскай дапамогі: у Бярэзінскім, Чэрвеньскім, Мінскім, Нясвіжскім і Любанскім раёнах. Аднак службы аператыўна задзейнічалі ўборачную тэхніку — у выніку хуткія, аўтакрамы змаглі дабрацца да месца прызначэння.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары