Відэа навагодняй дыскатэкі з вясковага клуба на Гомельшчыне ўзарвала тыкток. Што там незвычайнага?
Работніца вясковага клуба апублікавала серыю відэа з навагодняй дыскатэкі, і адзін ролік стаў вірусным — больш за 1,6 мільёна праглядаў і тысячы каментароў, піша «Флагшток». Праўда, пасля, магчыма, сама аўтарка спалохалася такой папулярнасці, бо цяпер відэа стала чамусьці недаступным.
На кадрах людзі сярэдняга ўзросту танцуюць у невялікай, даўно не рамантаванай зале сельскага Дома культуры вакол жывой ёлкі пад песню ў стылі 1990-х.
Паколькі трэкі рускамоўныя, а надпісы ў зале — на рускай мове, многія каментатары падумалі, што відэа знята ў глыбінцы Расіі. Аднак высветлілася, што дыскатэка праходзіла ў вёсцы Старажоўцы Жыткавіцкага раёна.
Многія карыстальнікі ўспомнілі сваю маладосць і ўсміхаліся, прыгадваючы цёплую атмасферу, але шмат хто заўважыў, што танцоры былі ў куртках і здзівіліся, чаму ў клубе няма ацяплення.
Некаторыя адзначалі «жабрацтва» і выгляд удзельнікаў:
«Я жыву ў вёсцы, але ў нас усе прыгожа апранутыя, цёпла, ўтульна! А тут…»;
«2026 год, а мы сталі жыць горш, чым у 90-я».
Дарэчы, іншыя відэа аўтара гэтага акаўнта таксама паказваюць пэўныя рысы культурнага жыцця беларускай глыбінкі. Напрыклад, да гадавіны Кастрычніцкага перавароту работніцы клуба выстроіліся ў чырвоных хустках пад лозунгам «Слава кастрычніку!»
«Мы прасякнутыя спантаннасцю». Кампанія сяброў выкупіла цэлы вагон, каб сустрэць Новы год у цягніку да Брэста
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
«Змена даты ў календары не спыняе вайны ні на хвіліну». Як сустракалі і што елі на Новы год ваяры Палка Каліноўскага?
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары