У Гомелі пара зарэгістравала свой шлюб у касцюмах Дзеда Мароза і Снягуркі
У Гомелі напярэдадні святкавання Новага года адбылася незвычайная рэгістрацыя шлюбу: Станіслаў і Марына прыйшлі ў ЗАГС у касцюмах Дзеда Мароза і Снягуркі, піша БелТА.
Маладыя вырашылі зрабіць 31 снежня асаблівай датай, каб у 2026 год увайсці сапраўднай сям’ёй. Цырымонія прайшла ў ЗАГСе Навабеліцкага раёна Гомеля, сама ж гісторыя адносін хлопца і дзяўчыны была не менш казачнай.
Станіслаў і Марына пазнаёміліся ў інтэрнэце: хлопец з Гомеля лайкнуў фота дзяўчыны з Петрыкава на сайце знаёмстваў, пасля чаго ў іх пачаліся перапіска і рэгулярная камунікацыя. Нягледзячы на амаль дзвесце кіламетраў паміж гарадамі, хлопец і дзяўчына адчулі, што блізкія адно аднаму.
Першая сустрэча адбылася ў Гомелі год таму, таксама перад Новым годам: Станіслаў сустрэў Марыну на вакзале, яны прагуляліся па Навабеліцкім раёне. Хлопец падарыў дзяўчыне салодкія пачастункі ад Дзеда Мароза і нават расставіў палатку ў сваёй кватэры — жартоўна і ўрачыста адначасова.
Тады 31 снежня Станіслаў прапанаваў Марыне стаць ягонай дзяўчынай, а праз паўгода яна пераехала ў Гомель. Цяпер жа яны аформілі адносіны афіцыйна.
Для святочнай рэгістрацыі пара абрала арыгінальныя касцюмы: у Станіслава — чырвонае футра да падлогі, у Марыны — далікатная блакітная шубка са сняжынкамі. Нават надвор’е адгукнулася на іх пачуцці — снег прыгожа пакрыў горад.
Прапанову рукі і сэрца Станіслаў зрабіў на мастку каля возера ў Навабеліцкім раёне: ён стаў на калена і падарыў Марыне унікальны пярсцёнак са скуры, які зрабіў сам. Падчас рэгістрацыі маладыя абмяняліся такімі ж пярсцёнкамі.
Жыццё разам іх не палохае: яны дзеляць усе хатнія абавязкі і любяць гатаваць разам. Станіслаў робіць бургеры і сушы, Марына — стравы з бульбы і грыбоў, заўсёды з любоўю.
Першыя пару дзён новага года пара правядзе з блізкімі, а пазней адзначыць падзею з сябрамі. У іх ужо, дарэчы, ёсць агульны кот Генрых, а Марына марыць перавезці з Петрыкава яшчэ двух сваіх катоў. Яны плануюць вялікую сям’ю, бо Марына любіць дзяцей і заўсёды марыла быць шматдзетнай мамай.
Памятаеце праваслаўную пару студэнткі і выкладчыка, дзе ён старэйшы на 31 год? Цяпер яны грамадзяне Ізраіля
Крысціна Ціманоўская зноў нявеста — з пярсцёнкам ад Tiffany
«Сказаў, што я сапсавала вечар». Гісторыі беларусак, якія зрабілі прапанову хлопцам
У Лідзе пабраліся шлюбам 15‑гадовыя хлопец і дзяўчына. Самай маладой маме Гродзеншчыны таксама 15
Складзены рэйтынг манагамнасці млекакормячых. На якім месцы чалавек?
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары