Кітай абвясціў пра адкрыццё найбуйнейшага ў Азіі падводнага радовішча золата. Яно знаходзіцца каля паўночна-ўсходняга ўзбярэжжа краіны, побач з паўвостравам Шаньдун, і, паводле ацэнак, утрымлівае сотні тон каштоўнага металу, піша South China Morning Post.
Як паведамляюць кітайскія ўлады, гэта адкрыццё значна павялічыла агульныя пацверджаныя запасы золата ў раёне гарадскога павета Лайчжоў — цяпер яны перавышаюць 3900 тон.
Такім чынам, рэгіён выйшаў на першае месца ў краіне як па запасах, так і па здабычы золата, што складае каля чвэрці ўсіх залатых рэсурсаў Кітая. Пры гэтым дакладны аб’ём менавіта падводнага радовішча пакуль не раскрываецца.
Апошнія гады Кітай актыўна развівае геолагаразведку: з 2021 года ў гэтую сферу было ўкладзена каля 64 мільярдаў даляраў, у выніку чаго адкрыта каля 150 новых радовішчаў карысных выкапняў. Новая знаходка сведчыць, што рэальныя запасы золата ў краіне могуць быць значна большымі, чым меркавалася раней, асабліва на фоне росту сусветных цэн на гэты метал.
Кітай застаецца найбуйнейшым у свеце здабыўцам залатой руды — летась у краіне было здабыта 377 тон. Аднак па пацверджаных запасах золата ён усё яшчэ саступае Паўднёвай Афрыцы, Аўстраліі і Расіі.
Золата важнае не толькі як сродак абароны ад фінансавых рызык, але і як стратэгічны матэрыял для прамысловасці, у тым ліку электронікі і аэракасмічнай галіны.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары