Падчас рэстаўрацыі сінагогі ў Ваўкавыскім раёне знайшлі падмурак невядомага будынка
Рэстаўрацыя вядзецца ў цэнтры вёскі Ізабелін, якая мае багатую гісторыю, і тычыцца архітэктурнага помніка XVIII стагоддзя — барочнай сінагогі. У будучыні тут плануецца арганізаваць музейную экспазіцыю, піша БелТА.
Падчас земляных работ супрацоўнікі Інстытута гісторыі НАНБ, якія ажыццяўляюць археалагічны нагляд за імі, знайшлі каменны падмурак іншага будынка.
Яго можна было б прыняць за падмурак «Кляйнэ Шуль» — Малой сінагогі, што ўваходзіла ў комплекс сінагагальнага двара Ізабеліна. Аднак вядома, што драўляная Малая сінагога існавала толькі з XIX стагоддзя, тады як знойдзены падмурак адносіцца да другой паловы XVIII стагоддзя, пра што сведчыць і нумізматычны матэрыял.
Падмурак мае некалькі архітэктурных асаблівасцяў, сярод якіх асабліва цікавая — выкарыстанне у канструкцыі каменных жоранаў. Таксама даследчыкаў зацікавіла, што ў зоне ўваходу падмурак пакрыты пляскатым дахавым матэрыялам XVII стагоддзя.
Акрамя таго, знайшлі аснову печы з развалам кафлі XVII стагоддзя. Гэта сведчыць пра тое, што да стварэння сінагагальнага двара ў цэнтры Ізабеліна існаваў іншы будынак з багата дэкараванымі печамі.
Цяпер чытаюць
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары
Moža vy niešta pablytali, moža heta spadar Cyrus tamaka papracavaū, zasnavaū imperyju Piersaū, i daū vam voliu, kab mahli paviartacca ū Jerusalem ?
Nu, niejkija zablukali, i zamiest Jerusalema apynulisia z časam na Litvie... Tak, ci nie ? Kaliciesia !