Ёсць стол, канфоркі, ванна і ўнітаз — што яшчэ трэба для шчасця за 280 даляраў? Жарт, які стаў рэальнасцю ў Мінску
Здаецца, гэты жарт ужо выходзіць з-пад кантролю. Трэнд на арэнду жылля без аздаблення пачаўся прыкладна ў той момант, калі ў Мінску стартавала будаўніцтва вялікага жылога масіву на месцы былога аэрапорта. Людзі накуплялі недарагіх метраў, і з апошнімі трэба было нешта рабіць. Камусьці прыйшла ідэя здаваць голыя бетоныя «квадраты» непатрабавальным кватарантам, і пайшло.
У такога віду жылля ёсць плюс: яно звычайна нядорага каштуе. Але не заўсёды. Напрыклад, зараз у «Мінск-Свеце» здаецца аднапакаёўка без аддзелкі за даволі немаленькія $280, піша Onliner.by.
Кватэра знаходзіцца ў доме «Мілан» на вуліцы Шчамялёва, 30. Адзначаецца, што арандатара шукаюць на доўгі тэрмін — не менш за два гады. З плюсаў: у кватэры прапісаны чалавек, а значыць, камунальныя плацяжы будуць невысокія.
— Без рамонту, але для жыцця ёсць усё неабходнае, — адзначае аўтар аб'явы. — Усталяваны ўнітаз, ванна, стальніца з мыйкай, на падлозе лінолеум, сцены прагрунтаваны. Разеткі ўсе ёсць і выключальнік. У санвузле ёсць трубы і 220 В для падлучэння пральнай машынкі.
Калі так падумаць, то сапраўды, у кватэры ёсць мінімальны набор для існавання. Але, пагадзіцеся, жыллё — гэта не толькі пра функцыянал. Акрамя неабходнасці паесці, памыцца і схадзіць у туалет чалавек мае патрэбу яшчэ і ва ўтульнасці: люстэрка, ёмістыя шафы, шторы на вокнах… Ложак, вядома, таксама б не зашкодзіў.
Зняць такую напаўгатовую кватэру можна за $280 у месяц.
Цікава, што ўласнік запатрабуе яшчэ і залог памерам месячнай арэнднай платы. Гэта даволі распаўсюджаная практыка, якая дае ўладальнікам гарантыю, што пасля выезду кватарантаў маёмасць кватэры будзе ў парадку.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары