«У палякаў усё гатова». Што кажуць пра магчымае адкрыццё «Брузгоў» і «Бераставіцы»?
Польскі прэм'ер Дональд Туск загаварыў пра магчымае адкрыццё двух пунктаў пропуску на мяжы з Беларуссю. Пра такую магчымасць казалі і польскія мытнікі.
«Мы будзем гатовыя яшчэ сёлета, скажу больш, яшчэ ў лістападзе, адкрыць два памежныя пераходы, у Баброўніках і Кузніцы», — заявіў Дональд Туск, выступаючы на Форуме згуртаванасці і памежнага развіцця ЕС.
Магчымай датай адкрыцця гэтых пунктаў пропуску можа стаць 1 лістапада. Такую інфармацыю днямі атрымаў чалавек, які меў прыватныя кантакты з польскім мытнікам.
З яго слоў, мытнік паведаміў, што ў «Кузніцы» («Брузгі» з беларускага боку) усё гатова для адкрыцця. Мытнік сказаў, што папярэдне аднаўленне працы запланавана на 15:00 1 лістапада.
Польшча раней неаднаразова адкрыта казала пра ўмовы, пры якіх можа аднавіць працу зачыненых пунктаў пропуску. Так, напрыклад, «Баброўнікі — Бераставіца» зачынілі ў адказ на прысуд журналісту і актывісту Саюза палякаў Анджэю Пачобуту.
Пункт пропуску закрыты з 10 лютага 2023 году. Першы выразны сігнал пра тое, што Польшча адновіць працу ў «Баброўніках», як толькі Пачобут выйдзе на волю, прагучаў яшчэ ў сакавіку 2023 года.
«Беларускі бок мае поўную яснасць у гэтым пытанні. Калі Андрэй Пачобут заўтра будзе вызвалены, паслязаўтра будзе адкрыты праход у Баброўніках», — казаў кіраўнік МУС Польшчы Марыюш Каміньскі
Летам 2024 года пра тое самае казаў кіраўнік польскага МЗС Радаслаў Сікорскі. «Дата адкрыцця памежных пераходаў паміж Польшчай і Беларуссю залежыць ад таго, як доўга Анджэй Пачобут будзе знаходзіцца ў турме».
Што да «Брузгоў», то іх закрылі яшчэ 9 лістапада 2021 года, калі беларускі бок дазволіў мігрантам штурмаваць пункт пропуску «Кузніца».
Таму вырашэнне праблемы з мігрантамі з’яўляецца другім пунктам, пра які палякі таксама адкрыта казалі, калі ішла размова пра аднаўленне працы двух пераходаў у Гродзенскай вобласці.
Згодна з данымі польскага боку, мігранты не перасталі спрабаваць незаконна трапіць у Польшчу, але колькасць такіх спроб, якія фіксуюць польскія службы, апошнім часам сапраўды зменшылася.
Калі яшчэ ў першай палове верасня фіксавалі каля 100 спроб, то апошнімі днямі не даходзіла і да 50.
Напрыклад, 13 кастрычніка было 35, 22‑га — 48, 24‑га — 18, 26‑га — 28, а ўчора — 20 спроб.
Трэцяй умовай называюць супрацоўніцтва ў справе аб забойстве на мяжы польскага сяржанта Матэвуша Сітэка, учыненым 28 траўня 2024 года.
Цяпер чытаюць
Дрон прыляцеў у пасажырскі аўтобус на мяжы Расіі і Беларусі14
Каментары
"«Мы будзем гатовыя яшчэ сёлета, скажу больш, яшчэ ў лістападзе, адкрыць два памежныя пераходы, у Баброўніках і Кузніцы», — заявіў Дональд Туск, "
цудоўна !!! а маскоўцы казалі заўтра Берлін, Менск і Вашынгтон. Імперыя Раманавых 🇷🇺 — здохла , імперыя бальшавікоў — здохла , Ніколі два без трох: імперыя Садама Путсэйна 🇷🇺 пойдзе следам!
ок, a як Лукашэнка іх спыніць, калі іх масква дасылае ? дзе РБ адшукаць рэсурсы дзеля супраціву драпежнай імперыі ? , калі межы зачынены і Беларус над татальнымі санкцыямі , увесь гандаль з жахлівай , дэспатычнай афра- азіей . Трэба гуляць з Лукшэнакамі як гулялі з Тіто, тады не будзе мігрантаў на мяжы