Глабальнае пацяпленне дабралася і туды — у Ісландыі мясцовы жыхар выявіў невядомых насякомых, якіх энтамолагі ідэнтыфікавалі як камароў, піша The Guardian.
Фота: wikipedia.org / Ivtorov
Да гэтага, на думку вучоных, Ісландыя была адным з нямногіх месцаў у свеце, дзе не было камароў. Другім такім месцам лічыцца Антарктыда.
Раней з’яўленню камароў у Ісландыі перашкаджаў суровы клімат, аднак цяпер ён цяплее ў чатыры разы хутчэй, чым на іншых тэрыторыях Паўночнага паўшар’я.
Паведамляецца, што камароў выявіў мясцовы жыхар, які звярнуў увагу на незвычайных насякомых на стужцы для абвязвання вінаградных лаз. Вучоныя лічаць, што гэты від камара марозаўстойлівы і цалкам можа перажыць ісландскую зіму ў падвале.
Каментары