Турысты, якія захраслі з-за завірухі на Эверэсце, паспяхова спусціліся з гары
580 турыстаў, якім давялося затрымацца на Эверэсце з-за завеі ў Тыбеце, паспяхова эвакуяваныя разам з больш чым 300 мясцовымі праваднікамі і паганятымі якаў, паведаміла кітайскае агенцтва Сіньхуа.
Людзі дабраліся да пасёлка Цюйдан і наваколля, дзе ім дапамагаюць вярнуцца дадому. Дзесяць турыстаў сустрэлі ў спецыяльна арганізаваным прамежкавым лагеры з ежай, медыкаментамі, кіслароднымі балонамі і цёплымі рэчамі.
Магутная завея накрыла лагер турыстаў на ўсходнім схіле Эверэста 4 кастрычніка. У снежнай пастцы апынуліся больш за 1000 чалавек, якія рабілі ўзыходжанне. Людзі не змаглі працягнуць шлях па абледзянелых дарогах і былі вымушаныя хавацца ў намётах.
Яны затрымаліся ў лагеры на вышыні 4 900 м над узроўнем мора. 6 кастрычніка 350 чалавек змаглі спусціцца з гары.
60‑гадовая п’яная беларуска ператварыла палёт з Парыжа ў Вільню ў кашмар3
Каментары