Зяленскі прапанаваў Польшчы і Румыніі знайсці супольнае рашэнне для барацьбы з расійскімі дронамі
«Не толькі каб дрон падаў на галаву ўкраінцам, каб ён не даляцеў да тэрыторыі Польшчы, а каб гэта былі рашэнні, якія прымаюцца разам», — сказаў прэзідэнт Украіны.
Зяленскі прапанаваў Польшчы і Румыніі знайсці агульнае рашэнне для барацьбы з расійскімі дронамі. Пра гэта прэзідэнт Украіны сказаў падчас сустрэчы з журналістамі, піша РБК-Украіна.
«Не толькі каб дрон падаў на галаву ўкраінцам, каб ён не даляцеў да тэрыторыі Польшчы, а каб гэта былі рашэнні, якія прымаюцца разам. Гэта значыць, у нас стаіць СПА — мы збіваем усё, што ляціць на нас і ляціць на Польшчу. І гэтак жа Польшча збівае самалётамі ўсё, што ляціць на іх, і тое, што ляціць на нас», — цытуе Зяленскага выданне.
Польшча можа дапамагаць абараняць толькі рэгіёны заходняй часткі Украіны, сказаў прэзідэнт Украіны. «Ці гэта можа быць не толькі Польшча, але і Румынія, на іншых мы і не разлічваем», — дадаў Зяленскі.
Ён таксама сказаў, што гарантыі бяспекі для Украіны патрэбныя раней, чым будзе заключана магчымая дамова аб заканчэнні вайны. Зяленскі дапусціў, што фінальнага дакумента аб заканчэнні вайны можа і не быць.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы24
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары