Апошні тыдзень лета ў большасці раёнаў краіны чакаецца халаднаватым, толькі ў сярэдзіне тыдня па паўднёвым захадзе чакаецца кароткачасовы ўсплёск цяпла.
Апошні тыдзень жніўня ў Беларусі адзначыцца надвор'ем, якое ўжо больш нагадвае верасень, чым летняе надвор'е. Паводле сіноптыка Дзмітрыя Рабава, сярэднясутачная тэмпература знізіцца ніжэй за +15 °C, што сведчыць пра надыход кліматычнай восені.
Увесь тыдзень тэмпература будзе на 2—5 градусаў ніжэй за норму, а дні без дажджу будуць рэдкасцю.
У панядзелак, 25 жніўня, па краіне пройдуць кароткачасовыя дажджы, магчымы слабы туман уначы і зранку, а днём — навальніцы. Тэмпература ўначы будзе +6…+12 °C, удзень — ад +11 °C на ўсходзе да +23 °C на паўднёвым захадзе.
У аўторак, 26 жніўня, у Брэсце чакаецца +15…+23 °C, у Магілёве — троху халадней. У сераду, 27 жніўня, надвор'е застанецца пераменлівым: ноччу +6…+11 °C, удзень — да +22 °C.
У другой палове тыдня чакаецца чарговы атмасферны фронт з Еўропы. Дажджы стануць больш інтэнсіўнымі, у некаторых раёнах — моцнымі.
У чацвер, 28 жніўня, тэмпература ўначы будзе +7…+13 °C, удзень — ад +17 °C на Гомельшчыне да +28 °C у Брэсцкай вобласці. У пятніцу, 29 жніўня, удзень — ад +13 °C на паўночным усходзе да +21 °C на паўднёвым усходзе.
На выходных надвор’е застанецца няўстойлівым і вільготным. У суботу, 30 жніўня, тэмпература ноччу — +7…+14 °C, удзень — ад +11 °C на поўначы да +24 °C на паўднёвым захадзе.
У нядзелю, 31 жніўня, — ад +11 °C на поўначы да +19 °C на поўдні. Могуць назірацца кароткачасовыя дажджы і навальніцы, вецер — пераменных напрамкаў.
Сіноптыкі канстатуюць: такі рэзкі пераход да восеньскага надвор'я не характэрны для канца жніўня.
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары