На якім месцы Беларусь па хуткасці мабільнага інтэрнету ў свеце
Беларусы нярэдка скардзяцца на мабільны інтэрнэт. Аператары на гэта адказваюць, што ўсё ў іх нармальна. А вось што гавораць лічбы і сусветны рэйтынг.
Кампанія Ookla, вядомая па тэсце Speedtest, абнавіла даныя па сярэдняй хуткасці інтэрнэту ў свеце, апублікаваўшы інфармацыю па выніках ліпеня 2025 года, заўважыў Onliner.
На глабальным узроўні медыянная хуткасць мабільнага інтэрнэту склала крыху больш за 90 Мбіт/с на загрузку і значна больш сціплыя 13 Мбіт/с на аддачу.
Лідзіруюць у рэйтынгу ААЭ з паказчыкам 584,97 Мбіт/с, у тройцы таксама Катар (507,47 Мбіт/с) і Кувейт (413,57 Мбіт/с). Гэтыя рэгіёны не змянілі сваіх пазіцый у параўнанні з мінулым справаздачным перыядам. Цікава, што Паўднёвая Карэя, якая калісьці займала першыя месцы, цяпер знаходзіцца толькі на сёмым месцы (225,29 Мбіт/с).
Беларусь у рэйтынгу мабільнага інтэрнэту Speedtest займае 103-ю пазіцыю з медыянным паказчыкам 17,73 Мбіт/с.
А замыкае спіс з 104 пазіцый Балівія з вынікам 14,70 Мбіт/с. Для параўнання, у Мінску сярэдняя хуткасць мабільнага інтэрнэту, паводле справаздачы, складае 34,04 Мбіт/с.
У сегменце фіксаванага інтэрнэту першае месца займае Сінгапур (386,96 Мбіт/с), за ім ідуць Чылі (332,41 Мбіт/с) і Ганконг (324,97 Мбіт/с).
Беларусь у гэтым спісе знаходзіцца на 90-й пазіцыі (78,43 Мбіт/с), а Мінск з медыяннай хуткасцю 85,64 Мбіт/с — на 108-м месцы.
Адзначаецца, што даныя Speedtest носяць арыенціровачны характар, паколькі замеры хуткасці інтэрнэту робяць далёка не ўсе карыстальнікі мабільнага і фіксаванага інтэрнэту.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары