Прэзідэнт Наўроцкі заклікаў Сейм забараніць «бандэраўскую» сімволіку ў Польшчы
Караль Наўроцкі адрэагаваў на інцыдэнт на Нацыянальным стадыёне ў Варшаве, дзе ў суботу 9 жніўня падчас канцэрту Макса Каржа разгарнулі сцяг Украінскай паўстанцкай арміі часоў Другой сусветнай.
У эфіры Polsat News ён заклікаў Сейм прыняць папраўку да закона, якая забароніць выкарыстанне падобнай сімволікі ў Польшчы, піша «Украінская праўда».
«Неабходна разабрацца з законам, каб такія сітуацыі больш не паўтараліся», — сказаў Наўроцкі.
Прэзідэнт Польшчы назваў такую сімволіку «бандэраўскай». Паводле яго слоў, яе выкарыстанне ва ўкраінскай і польскай публічнай прасторы з'яўляецца абуральным. «Мы ўсведамляем, што і ва Украіне бандэраўская сімволіка ў народнай адукацыі не апісваецца так, як гэта адпавядае гістарычным даследаванням», — падкрэсліў ён.
Наўроцкі таксама падтрымаў рашэнне прэм’ер-міністра Дональда Туска аб выдварэнні з Польшчы некалькіх дзясяткаў наведвальнікаў канцэрту, дзе быў разгорнуты сцяг УПА. Ён не выключае, што гэта магла быць расійская правакацыя.
«Мы павінны рэагаваць вельмі рашуча, проста высылаючы такіх людзей з Польшчы», — заявіў прэзідэнт Польшчы.
Зазначым, што ўкраінец Дзмітрый, які прыйшоў са сцягам УПА на канцэрт, потым запісаў відэа з выбачэннямі.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь11
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары