Ратавальнікі цэлы вечар шукалі рыбака-тапельца ў Мядзельскім раёне. На наступны дзень ён вярнуўся па лодку
Учора ратавальнікі дзвюх станцый у Мядзельскім раёне выехалі на возера Свір. Адтуль паступілі паведамленні пра меркавана патанулага чалавека: на адлегласці каля 50 метраў ад чароту перакулілася рыбалоўная лодка, побач нікога.
Глыбіня ў тым месцы — прыкладна 4 метры. На дне вадалаз знайшоў дзве вуды і рыбалоўны бот. Ратавальнікі працягнулі пошукі патанулага чалавека.
Прадстаўніца Таварыства выратавання на водах Кацярына Міхалева ўдакладніла Onlíner, што пошукавыя працы вяліся дзве з паловай гадзіны і скончыліся зусім не так, як чакалася: загінулы рыбак «ажыў».
Разам з сябрам ён прыплыў па тую самую лодку. Як высветлілася, за дзень да гэтага ён сапраўды перакуліўся ў ёй, будучы без выратавальнай камізэлькі, але змог самастойна даплыць да берага.
Перад ратавальнікамі мужчына таксама з’явіўся без камізэлькі — яму вынеслі папярэджанне.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары