Раней эканаміст Леў Львоўскі спрагназаваў: калі трэнд на нізкую нараджальнасць не зменіцца, у Беларусі застанецца прыкладна 3 мільёны чалавек. Чаму жанчыны ўсё менш нараджаюць?
Як заўважае доктар Андрусь Белавешкін у новым выпуску ТОКу, трэнд на змяншэнне нараджальнасці пачаўся стагоддзе таму і гэтаму ёсць тлумачэнне:
«Я думаю, што гэта такая самарэгуляцыя папуляцыі. Таму што асабліва пасля Другой сусветнай вайны ўсе пачалі нараджаць менш. І адно з пытанняў — таму што дзеці перасталі быць эканамічна выгаднымі. Таму што, калі мы кажам пра нейкія архаічныя грамадствы, дзеці — гэта выгадна. Яны працуюць, прыносяць грошы. Мець шмат дзяцей — гэта добра, гэта шлях да багацця.
Зараз гэта шлях да беднасці, таму што яны толькі адымаюць грошы і нічога ўзамен не вяртаюць. Таму, акрамя ўсяго, тут ёсць відавочнае эканамічнае пытанне, якое існуе.
Атрымоўваецца, што зараз толькі даволі багатыя людзі і бедныя больш заводзяць дзяцей. Таму што адныя могуць, а другім гэта выгадна з-за дапамог, [якія выплачваюцца] як у еўрапейскіх краінах. Яны на гэтым могуць зарабіць, у нейкім сэнсе».
Калі ж гаварыць пра сучасную Беларусь, то, на думку Белавешкіна, падзенне нараджальнасці тлумачыцца псіхалагічным станам грамадства ва ўмовах палітычнай нестабільнасці:
«У часы стрэсу нараджаць нельга. Таму сур'ёзны псіхалагічны стрэс можа прыводзіць да інфертыльнасці — немагчымасці зацяжарыць. І гэта нармальная біялагічная рэакцыя. Ненармальна з пункту гледжання біялогіі, калі будучае такое незразумелае і небяспечнае, цяжарыць».
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары
Не за ўсіх, а за сябе хай адкажа, чаму яшчэ не цяжарная.
Натуральна, 'селектарнае савешчаніе па надоям'¡
Вы ах√€лі, даражэнькія? Мо лепш паглядзець на сябе (мужчынам) ды на грамадства, дзе дзяўчо меркавана мае стаць ці не сьвінаматкаю?
Вайна на мяжы, там хапаюць за краты і безграшоўе, тут ты чужая ды дорага й часта пасрэднай якасьці, а да таго ж мужык- не мужык: альбо морду заліць, або ў прыставачку пагуляць, альбо ў яго крызіс і трэ разабрацца ў сабе. А ёй зь дзецьмі тым часам што рабіць?