У Беларусі крытычна падае нараджальнасць. А як у суседніх краінах?
Белстат упершыню з часоў пандэміі апублікаваў даныя аб нараджальнасці ў Беларусі. Дзякуючы ўцечкам, інфармацыя з'яўлялася і ў папярэднія гады, але цяпер яна пацверджаная афіцыйна. У 2024 годзе ў краіне нарадзіліся 58 938 дзяцей — што ўдвая менш, чым было дзесяць гадоў таму (у 2014 годзе на свет з'явіліся 118 697 беларусаў). Статыстыка многіх шакавала, але Беларусь тут не ўнікальная. Паглядзелі, якія паказчыкі ў суседзяў.
Ва ўсім свеце заўважны трэнд на зніжэнне нараджальнасці. Жанчыны ў Еўропе цяпер нараджаюць амаль у 6 разоў радзей, чым гэта было 60 гадоў таму.
Гэта ж датычыцца і Усходняй Еўропы — ва ўсіх суседзяў Беларусі зараз нізкія паказчыкі фертыльнасці насельніцтва, то-бок таго, колькі дзяцей прыходзіцца ў сярэднім на адну жанчыну. У Беларусі гэты каэфіцыент зараз складае 1,08 бала, кажа эканаміст Леў Львоўскі. Сусветны банк разлічвае фертыльнасць у Беларусі за 2023 год на ўзроўні 1,2.
Літва
Нараджальнасць у 2,4-мільённай Літве змяншаецца ўжо працяглы час. Па гэтым паказчыку 2024 год для краіны стаў антырэкордам за часы незалежнасці.
Дзесяць гадоў таму ў Літве нараджалася на траціну больш дзяцей, чым зараз: 30 369 хлопчыкаў і дзяўчынак з’явіліся на свет тады і толькі 18 979 — цяпер.
Тое ж датычыцца і паказчыка фертыльнасці: з 1,63 бала ў 2014 годзе ён знізіўся да 1,2 у 2023 годзе. Аптымальны для аднаўлення грамадства каэфіцыент — 2,1 дзіця на адну жанчыну.
Польшча
Падобная дынаміка і ў Польшчы, дзе насельніцтва складае 38 мільёнаў чалавек. У 2014 годзе там нарадзілася 376 501 дзіця, а ў 2024 — усяго 252 тысячы.
Фертыльнасць там цяпер такая ж, як у Літве — 1,2.
Латвія
У суседняй Латвіі сітуацыя яшчэ больш крытычная: за 10 гадоў нараджальнасць скарацілася амаль што ўдвая. За 2024 год у краіне з насельніцтвам 1,875 мільёна чалавек нарадзілася 12 887 дзяцей. У 2014 годзе — 21 746.
Фертыльнасць у дзяржаве таксама падае — у 2023 годзе яна склала 1,4 бала, тады калі ў 2014 трымалася на ўзроўні 1,6.
Украіна
У 2024 годзе, на другі год поўнамаштабнай вайны, смяротнасць ва Украіне стала ў тры разы большай, чым нараджальнасць. У гэты год у краіне з 32-мільённым насельніцтвам нарадзіліся 176 679 дзяцей. А дзесяць гадоў таму на свет з'явілася амаль у два з паловай разы больш украінцаў — 456 893.
Фертыльнасць у суседняй краіне надзвычай нізкая: менш за адзін бал у 2022 годзе і адзін — у 2023.
Расія
У краіне са 146-мільённым насельніцтвам у 2024 годзе нарадзілася 1,222 мільёна чалавек. Пры гэтым цяпер у статыстыку ўваходзяць і дзеці, народжаныя на акупаваных украінскіх тэрыторыях.
У 2014 годзе ў Расіі, згодна з афіцыйнай статыстыкай, там нарадзілася 1,394 мільёна чалавек.
Фертыльнасць у Расіі супадае з глабальнымі трэндамі: 1,4 бала за 2023 год.
Колькасць нараджэнняў па краінах
| 2014 | 2024 | падзенне | |
| Беларусь | 118 697 | 58 938 | на 50,3% |
| Расія* | 1 394 860 | 1 222 408 | на 12,4% |
| Украіна* | 456 893 | 176 679 | на 61,3% |
| Польшча | 376 501 | 252 000 | на 33,1% |
| Літва | 30 369 | 18 979 | на 37,5% |
| Латвія | 21 746 | 12 887 | на 40,7% |
*тэрыторыя, кантралюемая краінай у 2014-м і ў 2024-м, адрознівалася
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары
Адкінем з гэтай лічбы палову жанчын. 600 тысяч новых салдат у кожнам пакаленні РФ.
Кто, под ковровыми бомбёжками русских, будет детей заводить ?
И даже в таком свете, в сасуце шчастця, дела самые плохие.
А чего хотеть, ведь скотный двор лукашенко ведёт войну с молодежью, да и со всем населением Беларуси ! И конца этой войне не видно...