Ізраіль упершыню сур'ёзна разглядае магчымасць заключэння міру з Сірыяй і Ліванам
На Блізкім Усходзе могуць адбыцца важныя змены — Ізраіль упершыню сур'ёзна разглядае магчымасць заключэння міру з Сірыяй і Ліванам. Як паведамляецца, перамовы ўжо вядуцца пры падтрымцы ЗША, піша Bild.
Міністр замежных спраў Ізраіля Гідэон Саар падкрэсліў, што мір з гэтымі краінамі важны, але пры ўмове захавання бяспекі Ізраіля.
Калі гэтыя дамоўленасці будуць дасягнутыя, гэта стане гістарычным момантам, бо Сірыя і Ліван афіцыйна знаходзяцца ў стане вайны з Ізраілем з 1948 года — з моманту стварэння Ізраільскай дзяржавы.
У Сірыі пасля звяржэння рэжыму Башара Асада ў канцы 2024 года на змену яму прыйшоў Ахмед аль-Шараа. Праўда, у Ізраіля ёсць сумневы наконт яго ісламісцкага мінулага, таму ЦАХАЛ заняў буферную зону на мяжы з Сірыяй. Раней Сірыя мела цесныя сувязі з Іранам і Расіяй.
У Ліване раней дамінавала групоўка «Хезбала», якая падтрымлівалася Іранам і мела вялікі ракетны арсенал супраць Ізраіля. Аднак восенню 2024 года Ізраіль знішчыў кіраўніцтва гэтай арганізацыі і большую частку яе ўзбраенняў. Пасля гэтага «Хезбала» пачала страчваць уплыў і ўнутры краіны.
Такім чынам, аслабленне ўплыву Ірана на рэгіён, якое адбываецца пры ўдзеле ЗША і Ізраіля, адкрывае магчымасці для новых мірных дамоўленасцяў.
Сірыя ўжо выставіла ўмовы для мірных перамоў — сярод іх поўны вывад ізраільскіх войскаў з яе тэрыторыі і спыненне авіяўдараў.
Аднак галоўнай перашкодай застаецца вайна Ізраіля з групоўкай ХАМАС у сектары Газа. З-за вялікай колькасці ахвяр сярод мірнага насельніцтва Ізраіль сутыкаецца з міжнароднай крытыкай.
ХАМАС напаў на Ізраіль 7 кастрычніка 2023 года, і некаторыя аналітыкі лічаць, што мэтай гэтай атакі было якраз сарваць паляпшэнне ізраільска-арабскіх адносін.
Бункерны дзед. Хаменеі падчас вайны і палітычная будучыня Ірана
У Іране хаваюць высокапастаўленых афіцэраў, навукоўцаў-ядзершчыкаў, загінулых падчас канфлікту з Ізраілем
У Іране заявілі, што Трамп павінен змяніць тон, калі хоча дамовы
«Яўрэй-сіяніст напаў на іранскае дзіця». У твітары істэрыя вакол фэйкаў пра беларуса, які напаў на хлопчыка ў маскоўскім аэрапорце
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец26
Каментары