Польскія мытнікі знайшлі ў машыне немца, які ехаў з Беларусі, біўні маманта
Супрацоўнікі мытна-падатковай службы ў Тэрэспалі падчас праверкі легкавога аўтамабіля на памежным пераходзе знайшлі ў ім аскепкі біўня маманта.
Фота: lubelskie.kas.gov.pl
Аказалася, што грамадзянін Германіі вёз з сабой восем фрагментаў костак, у тым ліку адзін даўжынёй амаль 49 см. Ён патлумачыў, што гэта падарунак ад сябра, які ён хацеў даставіць дадому.
Фота: lubelskie.kas.gov.pl
Паводле меркавання навукоўцаў, гэтыя аскепкі — часткі біўня шарсцістага маманта, які жыў у плейстацэне. Іх, хутчэй за ўсё, знайшлі ў сібірскіх адкладах.
Прыблізны кошт знойдзеных костак — каля 3,5 тысяч злотых (каля 875 даляраў), але іх навуковае і адукацыйнае значэнне значна вышэйшае.
Цяпер справай займаецца мытна-падатковае ўпраўленне ў Бяла-Падлясцы, а канчатковае рашэнне адносна лёсу гэтых артэфактаў прыме суд.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары