У Мінску сёння прыступаюць да працягу Зялёналужскай лініі метро
Тунэльнапраходны механізаваны комплекс «Алеся» запусцяць 25 чэрвеня для працягу Зялёналужскай лініі метро ад плошчы Бангалор да станцыі «Юбілейная плошча», пішуць «Мінск-навіны».
— Зараз вядуцца будаўніча-мантажныя работы па перакладцы інжынерных сетак і камунікацый, прыступілі да асноўнага этапу ўзвядзення. Ужо завершаны будаўніцтва мантажна-шчытавой камеры, мантаж тунэльнапраходчага механізаванага комплексу «Алеся», ахоўныя мерапрыемствы для будынкаў і збудаванняў, падрыхтоўчыя работы для пачатку ўзвядзення новых станцый метро «Парк Дружбы народаў», «Камароўская» і «Пярэспа», — распавёў намеснік старшыні Мiнгарвыканкама Аляксандр Чэрнікаў. — 25 чэрвеня для працягу па чарзе двума тунэлямі больш за 6 км Зялёналужскай лініі запускаем «Алесю».
Гэты тунэльнапраходны комплекс складаецца з шчыта і васьмі тэхналагічных цялежак, што забяспечваюць яго працу, уключаючы нулявую, дзе размешчана кабіна аператара. Ён здольны пракладаць тунэль дыяметрам 6 м. Адзначу, гэта першая такая тэхніка ў гісторыі беларускага метрабудавання.
У канцы мая было прынята рашэнне аб павелічэнні тэмпаў узвядзення новых станцый. Для дасягнення гэтай мэты Дырэкцыя па будаўніцтве Мінскага метрапалітэна, як заказчык, выступіла з шэрагам прапаноў.
Напрыклад, для ўзвядзення тунэляў закрытым і катлаванаў адкрытым спосабамі генеральнаму падрадчыку «Мінскметрабуд» рэкамендавана набыць або ўзяць у арэнду дадатковае абсталяванне, у тым ліку і для ўзвядзення катлаванаў метадам «сцяна ў грунце».
Таксама праводзіцца закупка другога тунэльнапраходнага механізаванага комплексу ў камплекце з перыферычным і абсталяваннем для выпуску высокадакладнай тунэльнай абліцоўкі. Акрамя таго, заключаюцца дагаворы падраду з трэстамі са складу ДПА «Мінскбуд» для паэтапнага ўзвядзення трох новых станцый разам з усімі неабходнымі збудаваннямі, выканання аздаблення і не толькі. Акрамя таго, плануецца забяспечыць трохзменны рэжым працы на ўчастках.
— Такія меры дазволяць павялічыць тэмпы будаўніцтва перагонных тунэляў, станцыйных комплексаў і прытунэльных збудаванняў, — падкрэсліў Чэрнікаў.
Чакаюцца навінкі і ў дэкараванні станцый. Для скарачэння тэрмінаў і кошту ўзвядзення ў афармленні сцен і столяў плануецца ўжыць бетон з таніроўкай.
Таксама запраектавана спрошчаная аздабленне службовых памяшканняў. Што датычыцца інтэр’ераў станцый, то мяркуецца ўжываць якасныя і трывалыя матэрыялы.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары