Пра гэта Аляксандр Лукашэнка заявіў на сустрэчы з намеснікам старшыні Пастаяннага камітэта 14-га Усекітайскага сходу народных прадстаўнікоў Чжан Цынвэем, піша БелТА.
«Вы добра ведаеце, што нашы з вамі дыпламатычныя, палітычныя адносіны, добрая дружба паміж нашымі народамі падмацаваныя сур'ёзнай эканамічнай базай», — сказаў Лукашэнка. Ён адзначыў, што на тэрыторыі Беларусі з Кітаем пры сумесным фінансаванні рэалізуецца шмат праектаў.
«Мы гатовы і далей у гэтым напрамку развіваць наша супрацоўніцтва», — запэўніў Аляксандр Лукашэнка.
Паводле яго слоў, у сучасным свеце ў супрацоўніцтве вялікую ролю адыгрывае народная дыпламатыя, асновай якой з’яўляецца супрацоўніцтва паміж дэпутатамі парламентаў.
«Мы вельмі ўдзячныя ўладам КНР і кіраўніцтву Усекітайскага сходу народных прадстаўнікоў, кіраўнікам парламента за тую каласальную падтрымку, якую вы нам аказваеце на міжнароднай арэне. І вы цудоўна ведаеце, што мы заўсёды адказвалі і адказваем на вашу падтрымку адпаведнай падтрымкай па ўсіх пытаннях Кітайскай Народнай Рэспублікі ў міжнародных арганізацыях», — дадаў Аляксандр Лукашэнка.
Цяпер чытаюць
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста2
Каментары
1.Беларускія калійныя ўгнаенні па дэмпінгавых коштах узамен на кітайскія прамысловыя тавары. Дзеля гэтага Кітай уласна і даваў звязаны крэдыт Гуцэрыеву пад гарантыі беларускага ўраду. Тыповая каланіяльная схема - золата абарыгенаў узамен на шкляныя бусы каланізатараў. Хаця рэзка адмоўнае гандлёвае сальда паміж Беларуссю і Кітаем ня мае ніякіх шансаў на паляпшэнне.
2.Адвёртачаная вытворчасць, як у выпадку з БелДжы. У выніку БелДжы каштуе удвая за аналагічныя Geely ў Кітае, нягледзячы нават на адрасную ільготу 10% ПДВ для БелДжы, але кітайцам ўсё роўна, за якія грошы правадыр абарыгенаў прымушае купляць абарыгенаў вынік імітацыі "імпартазамяшчэння" - абы кітайцы ў выніку атрымлівалі свае грошы.
3.Кантрабанда падсанкцыйных тавараў кітайскай вытворчасці ў Расею-агрэсарку, пакуль гэта яшчэ магчыма.
4.Перанос экалагічна шкоднай вытворчасці ў Беларусь як у выпадку са Светлагорскім ЦКК, які актыўна атручвае тамтэйшае наваколле. Затое вырабленная там цэлюлоза, танная за кошт эканоміі на прыродаахоўных захадах, са свістам улятае ў Еўропу праз узгодненных на самым вярху сумнеўных пасярэднікаў.
4.Зніжэнне міграцыйнага напружання на межах Беларусі з ЕЗ, пакуль кітайцы актыўна будуюць абыходны маршрут праз Таджыкістан-Казахстан-Узбекістан-Туркменістан-Іран-Турцыю.
Ну і за ўсё гэта правадыр абарыгенаў і ягоная сям'я атрымліваюць рэнту, як жа без гэтага. А электарату ў якасці косткі - неякасна пабудаваны кітайцамі па незразумелых схемах фінансавання стадыён-"падарунак", будынак якога пацёк пад час дажджу наўпрост у дзень урачыстага адкрыцця.